Astana qalasy Esıl audanynyŋ äkımdıgınde memlekettık qyzmetkerler künıne arnalǧan jiyn öttı. Onda audan äkımı Säbila Mūstafina osy salada eŋbek etıp jürgen mamandardy aituly künmen qūttyqtap, ızgı lebızın bıldırdı.
– BŪŪ Bas Assambleiasynyŋ 2002 jylǧy 57-sessiiasynyŋ şeşımımen 23 mausym «Memlekettık qyzmetkerler künı» bolyp bekıtıldı. Bızdıŋ elımızde Elbasynyŋ 2013 jylǧy «Qazaqstandaǧy käsiptik jäne özge de merekeler turaly» būiryǧyna orai atalǧan mereke resmi mänge ie boldy. Bügıngı taŋda memlekettık qyzmetkerlerge jüktelıp otyrǧan mındet salmaqty. Osy salada eŋbek etıp jürgen kez kelgen maman jaŋa tūjyrymdamalarǧa säikes uaqyt talabyna sai jūmys ıstep, halyqtyŋ senımınen şyǧatyn jauapkerşılıgı mol tūlǧaǧa ainaluy qajet. Bızdıŋ audan äkımı apparatynda 30-dyŋ üstınde memlekettık qyzmetker eŋbek etedı. Olardyŋ denı – bolaşaǧynan köp ümıt küttıretın
jastar. Sondyqtan, barlyqtaryŋyzdy merekelerıŋızben qūttyqtaimyn!, – dep sözın sabaqtady Säbila Saparqyzy.
Saltanatty şara aiasynda audan basşysy osy salada öz eŋbegımen erekşe közge tüsken qyzmetkerlerdı alǧys hatpen marapattady. Sondai-aq, jūmysqa jaŋa qabyldanǧan ekı jas maman ant qabyldady.
Azamat ESENJOL
