Ortalyq kommunikasiialar qyzmetınde Qazaqstan Respublikasy densaulyq saqtau ministrı Salidat Qaiyrbekova, Bılım jäne ǧylym ministrlıgınıŋ jastar ısı jönındegı komitetınıŋ töraiymy Roza Kärıpjanova, öŋırlık damu ministrı Bolat Jämışev, industriia jäne jaŋa tehnologiialar vise-ministrı Albert Rau, mädeniet ministri Arystanbek Mūhamediūly, syrtqy ıster ministrınıŋ orynbasary Aleksei Volkov, qarjy vise-ministrı Ardaq Teŋgebaevtyŋ qatysuymen Ükımet otyrysynyŋ qorytyndylary boiynşa brifing öttı.
Ükımet otyrysynda qaralǧan äleumettık-ekonomikalyq maŋyzdy ıs-şaralardyŋ barysymen Qazaqstan Respublikasy Premer-ministrınıŋ orynbasary Gülşara Äbdıqalyqova tanystyryp öttı. Ol tuberkulez keselıne qarsy jaŋa jospar qabyldanǧanyn habarlady. 2020 jyldarǧa deiın jüzege asyrylatyn keşendı baǧdarlama boiynşa tuberkulezge qarsy qyzmet jaŋǧyrtylyp, nauqastarǧa körsetıletın ambulatorlyq järdemnıŋ aiasy keŋeitıletının jetkızdı.
Densaulyq saqtau ministrı Salidat Qaiyrbekova Mındettı medisinalyq saqtandyrudy engızu mäselelerımen bırge «Salamatty Qazaqstan» memlekettık baǧdarlamasynyŋ 2011-2013 jyldardaǧy bırınşı kezeŋınde atqarylǧan jūmys nätijesıne toqtaldy. Sonymen qatar, ministrlık basşylary jastar saiasaty, öŋırlerdı damytu, energiia tiımdılıgın arttyru, qarjy mäselelerı jönındegı bırqatar sūraqtarǧa jauap berdı. Al QR syrtqy ıster ministrınıŋ orynbasary Aleksei Volkov Oŋtüstık Koreia Prezidentı Pak Kyn Henıŋ elımızge memlekettık saparyna daiyndyq barysymen tanystyrdy.
QR mädeniet ministrı Arystanbek MŪHAMEDİŪLY:
Memlekettık tıl: bırlıktıŋ faktory
– «2011-2020 jyldarǧa arnalǧan memlekettık tıldı damytu» baǧdarlamasy ūlt bırlıgın nyǧaitudyŋ asa maŋyzdy faktory bolyp sanalady. Osy memlekettık baǧdarlamany oryndaudyŋüş kezeŋı bar. Qazır 39 ıs-şaradan tūratyn 2011-2013 jyldarǧa arnalǧan bırınşı kezeŋ aiaqtaldy. Qolda bar derekter boiynşa Qazaqstan halqynyŋ 62-63 paiyzy – qazaq tilin, 92 paiyzy – orys jäne 16,6 paiyzy aǧylşyn tilin meŋgergen. Elbasynyŋ denqoiyp otyrǧan saiasaty – elimizdeüş tūǧyrly tildi damytu.
QR densaulyq saqtau ministrı Salidat QAIYRBEKOVA:
70 jas – jetken meje
– Qazaqstandyqtardyŋ ortaşaömır süru ūzaqtyǧy bügınde 70,45 jasty qūraidy. 2015 jylǧa qarai ony 71 jasqa jetkızudı közdep otyrmyz. Būl mäselege nazar audarǧanym, öitkenı, 70 jastyq mejege bız 2015 jylǧa qarai qol jetkızuımız kerek edı. Iаǧni, bız būl mejenı bır jyl būryn baǧyndyryp otyrmyz.
QR syrtqy ıster ministrınıŋ orynbasary Aleksei VOLKOV:
Qazaqstan-Koreia: vizasyz qarym–qatynas
– Sızderdıŋ nazarlaryŋyzdy myna qūjatqa audartqym keledı. OlQazaqstan Respublikasy men Koreia Respublikasy ükımetterı arasyndaǧy özara viza talaptaryn almasu turaly kelısım bolmaq. Būl kelısım Qazaqstan men Koreia azamattaryna bır aiǧa deiın bır-bırıne vizasyz saparlauǧa mümkındık beredı. Būl turizmdı, medisinany, ǧylymi tehnologiialardy, studentter almasu jäne basqa da jaittardy damytu qajettılıgınen tuyndap otyr.
