Öner universitetı elordamen bırge körkeidı
Aiman MŪSAQOJAEVA, Qazaq ūlttyq öner universitetınıŋ rektory:
Qazaq ūlttyq Öner universitetı – Astanamen bırge ösıp-örkendep kele jatqan oqu ordasy. Osyndai öner jäne bılım ordasyn qūru – kökeiımde köpten jürgen jobam bolatyn. Bıraq, būl oiym Astanada jüzege asady dep äste oilamappyn. Elbasy bolaşaq öner şaŋyraǧy men oilaǧandai Almatyda emes, jaŋa Astanada aşylu qajettıgın aitqan edı. Mıne, osylaişa, Memleket basşysynyŋ qoldauymen universitetımızdıŋ ırgetasy elordada qalanǧan bolatyn.
Būrynǧy Qazaq ūlttyq muzyka akademiiasy, qazırgı Öner universitetı elordamyz endı ǧana qūryla bastaǧan 1998 jyly düniege keldı.
Qazaq ūlttyq Öner universitetı – būrynǧy Chaikovskii atyndaǧy №1 muzyka mektebi men Aqmolanyŋ muzyka kolledjiniŋ bazasynda qūryldy. Ūlt önerınıŋ ülken şaŋyraǧyn köteru alǧaşynda jeŋıl timegenı ras. Bılıktı mamandardyŋ tapşylyǧyn bylai qoiǧanda, olardyŋ äleumettık mäselelerın şeşu, ornalastyru oŋaiǧa soqpady. Mūnyŋ syrtynda bılım ordasyna kerektı qūral-jabdyqtar men muzykalyq aspaptardyŋ jetıspeuşılıgı, oqu auditoriialarynyŋ azdyǧy, qarajat tapşylyǧy bıraz qiyndyqtar tuǧyzdy. Täjıribe almasu üşın şeteldık muzykanttardy şaqyru mındetı de aldymyzda tūrdy. Osyndai kürdelı kezeŋderde Elbasynyŋ senımı men qamqorlyǧy janymyzǧa demeu boldy. Qaşan da önerge qoldauyn aiamaǧan Prezidentke alǧysymyz şeksız. 1998 jyly Astananyŋ halyqaralyq tūsaukeserımen bırge, bızdıŋ Öner universitetınıŋ de tūsauy kesıldı. Oǧan Elbasy Nūrsūltan Nazarbaevtyŋ özı qatysyp, bılım jäne öner şaŋyraǧynyŋ alǧaşqy qadamyna aqjol tıledı.
Alǧaşynda Muzykalyq akademiia retınde elge tanylǧan şaŋyraq keiın mädeniettanu, önertanu, horeografiia, keskindeme, müsin, rejissura, teatr önerı syndy jaŋa mamandyqtar qosyluyna bailanysty, Öner universitetı bolyp qaitadan qūryldy.
Bızge oquǧa tüsken adam alǧaşqy bılımın mektepten alyp, sodan keiın kolledjde şyŋdap, ärı qarai bakalavriatta jalǧastyrady. Mūndaǧy maqsatymyz – oryndauşylyq öner men ǧylymi-aǧartuşylyq salasyn qatar oqytu, iaǧni jan-jaqty, bılımdı jastardy daiarlau. Būl şäkırtter arasynda bäsekelestıktı tuǧyzyp, öner jolynda biık tabystarǧa jetuge jeteleidı. Onyŋ nätijesın körıp te jürmız. Oqu ornymyzdan qanat qaqqan talai şäkırtımız senımımızdı aqtady. Jyl saiyn Avstriiada, Vatikanda, San-Bartolomeoda ötetin halyqaralyq konkurstarda top jaryp, jüldeger atanǧan daryndy jastarymyzdyŋ köbeigenı – maqsatymyzdyŋ oryndalyp, ümıtımızdıŋ aqtalǧany dep bılemın. Öner universitetın qūrǧan kezde Qazaqstannyŋ ortalyq, soltüstık öŋırlerın, sonyŋ ışınde jaŋa Astanada ūiymdastyrylyp jatqan şyǧarmaşylyq ūjymdardy joǧary bılımdı käsıbi mamandarmen qamtamasyz etudı de mındetımızge alǧan edık. Būl oiymyzdy da tolyǧymen jüzege asyrdyq dep oilaimyn. Qazır tülekterımız Astanada ǧana emes, respublikanyŋ tüpkır-tüpkırınde jūmys ısteidı, keibıreulerı şetelderde oquyn jalǧastyryp jatyr.
Kezınde özım basqaryp otyrǧan universitettı Almatydan basqa jerde elestete almaityn edım. Al qazır kerısınşe. Öner universitetın Astanadan özge öŋırde elestete almaimyn. Bılım ordasy Astanamen bırge körkeiıp, damyp keledı. Qainaǧan tynys-tırşılıktıŋ ortalyǧyna ainalǧan bas şahar bızdıŋ de qūtty mekenımız boldy. Qazırgı taŋda Öner universitetınıŋ älemdık deŋgeide azdy-köptı bedelı bar. Şäkırtterımız talai halyqaralyq baiqaularda top jaryp, mereiımızdı ösırıp jür.
Ärine, būl toqmeiılsıgendık emes. Bız alda älı talai biıkterdı baǧyndyruǧa talpynatyn bolamyz. Eŋ bastysy, Qazaq ūlttyq Öner universitetı qai jaǧynan da Astananyŋ märtebesıne sai boluy kerek. Mıne, basty maqsatymyz da osy.
Qymbat TOQTAMŪRAT