Qazaqstan mūsylmandary dıni basqarmasy töraǧasynyŋ orynbasary, «Nūr Astana» meşıtınıŋ bas imamy Qalijan Zaŋqoev pen Astana qalasy Dın ısterı departamentınıŋ direktory Jorabek Däurenov kezdesıp, aǧymdaǧy jūmys barysy jönınde baiypty äŋgıme jürgızdı.
Astana qalasynda bügınde jūmys jürgızıp tūrǧan jetı meşıttıŋ barlyǧy da «Qazaqstan Respublikasyndaǧy dıni qyzmet jäne dıni bırlestıkter turaly» Zaŋnyŋ talaptaryna säikes qūryltai qūjattaryna tiıstı özgerıster engızu prosesın aiaqtap, qalalyq Ädılet departamentınde eseptık qaita tırkeuden ötken.
Kezdesu barysynda «Nūr Astana» meşıtınıŋ imamy Qalijan Baiyrbekūly qalamyzdaǧy «Temırjolşylar» meşıtınıŋ atauy «äs-Salam» meşıtı, «Şūbar» meşıtınıŋ atauy «äl-Ǧani» meşıtı bolyp özgertılgenın, «Tölebai» meşıtı QMDB filialy bolǧanyn habardar ettı.
Sonymen qatar, kezdesu barysynda qaladaǧy dıni ahual jaiynda örelı äŋgıme örbıp, aldaǧy qazan aiynda ötuı josparlanǧan dıni qyzmetkerlerdıŋ bılıktılıgın arttyru kurstarynyŋ baǧdarlamasy pysyqtaldy.
