Jaŋalyqtar
Qarttarǧa – qolǧabys
Elordada «Ülkenderge qamqorlyqpen» aksiiasy ötıp jatyr. Astana qalasy Qoǧamdyq damu ısterı basqarmasynyŋ bastamasymen «Qazaqstannyŋ jastar kongresı» ūiymy qolǧa alǧan şara «Jas saqşy» jobasynyŋ aiasynda ūiymdastyrylyp otyr.
Ötken demalys künderı Astananyŋ belsendı jastary 92 jastaǧy tyl eŋbekkerı Raisa Jarkova men jalǧyzbasty äje Faina İbraevaǧa kömek berdı. Jastar äjeler üilerınıŋ aulalaryn qardan tazartyp, basqa da kömekterın körsettı.
«Jalpy elordada mūndai şaralar jiı ötkızılıp tūrady. Erıktılermen bırge «Jas saqşy» jobasy aiasynda qarttarǧa kömektesu älı de jalǧaspaq. Studentter qart adamdar aulalarynyŋ qaryn kürep, üi şarualaryna kömek körsetetın bolady» deidı Qoǧamdyq damu ısterı basqarmasynyŋ bas mamany Aqūlan Tastemır.