ÜİİD baǧdarlamasynyŋ basty maqsattarynyŋ bırı — otandyq kompaniialardyŋ syrtqy naryqtarǧa şyǧuyn yntalandyru. Osy maqsatta arnaiy «Eksport-2020» baǧdarlamasy qabyldandy, onyŋ operatory — Kaznex Invest eksport jäne investisiialar ūlttyq agenttıgı (İJTM qūrylymyna kıredı).
ÜİİDB ıske asyru jyldarynda Qazaqstanda eksporttauşylardy qoldaudyŋ jäne damytudyŋ keşendı jüiesı jolǧa qoiyldy. Būl baǧytta şikızattyq emes sektordyŋ 1500 juyq käsıporyn osy baǧyttaǧy memlekettık qoldaumen qamtylǧan.
Eksportty qoldau qūraldary:
· 2013 jyly Kaznex Invest eksport jäne investisiialar ūlttyq agenttıgı Belorussiiaǧa, Reseige, Ukrainaǧa, Qytaiǧa, Gruziiaǧa, Qyrǧyzstanǧa 81 otandyq önım öndıruşıler qatysqan 6 sauda missiiasyn ūiymdastyrdy. Nätijesınde («POŞ-Taraz» fabrikasy, «Maslodel Treid», «Abdi İbrahim Global Farm», «Sesna-Astyk» konsernı, «Kelet», «Aktöberentgen», Almaty sintetikalyq juu qūraldary zauyty, «QazAzot», «Novopek», «ALPROF», PK «KazStroiSteklo», «Aliugal», «HİMFARM» jäne basqa) kompaniialary 57 mln. AQŞ dollarynan astam somaǧa eksporttyq kelısımşarttar jasasty.
· Kaznex Invest jūmys ıstep jatqan eksporttauşylardyŋ jäne eksporttyq äleuetı bar käsıporyndardyŋ halyqaralyq mamandandyrylǧan körmelerge qatysuyn ūiymdastyrady. Osy jyly 37 qazaqstandyq kompaniia (himiia, qūrylys, azyq-tülık, metallurgiia, tekstil, maşina jasau, elektr tehnikasy, farmasevtika salalary) 25 halyqaralyq mamandandyrylǧan körmelerge qatysty. Nätijesınde Resei, Özbekstan, Moŋǧoliia, Äzırbaijan, Qyrǧyzstan naryqtaryna 27,8 mln. AQŞ dollarynan astam somaǧa eksporttyq kelısımşarttar jasaldy.
· Tauar taŋbalaryn ılgerıletu – şet elderde tauar taŋbalarynyŋ tanystyrylym ıs-şaralaryn ūiymdastyru. 2013 jyly «Bakarassov» konsernı, «Mūnai-aspap», «Soltrest», «Sūltan-marketing», «Korona Eksport», «Kublei», Rixos Lake Borovoe, «Saiat» jäne t. b., barlyǧy 48 tauar taŋbasy Japoniiada, Reseide, Vengriiada, Auǧanystanda, Türkiiada, Germaniiada, BAÄ, QHR tanystyryldy. Būl kompaniialardy 50 mln. AQŞ dollarynan astam somaǧa eksporttyq kelısımşarttaryn jasauǧa alyp keldı.
· Ūlttyq stendterdı ūiymdastyru – ūlttyq (öŋırlık) önımdı şeteldık naryqqa ılgerıletuge arnalǧan tiımdı qūraldardyŋ bırı. 2013 jyly 27 otandyq kompaniia QHR-da (azyq-tülık, himiia, metallurgiia salalary), Reseide (azyq-tülık salasy, jeŋıl önerkäsıp), Germaniiada (azyq-tülık), Türkmenstanda (qūrylys salasy) «Made in Kazakhstan» ūlttyq stendterde tanystyryldy. 7,5 mln. AQŞ dollaryna jasalǧan kelısımşarttar — osy qūraldyŋ tiımdılıgınıŋ körsetkışı.
· Käsıporyndar syrtqy naryqtarǧa şyǧu kezınde oryn alǧan şyǧyndardyŋ 50% öteu mehanizmı Qazaqstanda alǧaş ret 2010 jyly engızıldı.Öteudı aluǧa ötınımderdı memlekettık kömektı aluşylar turaly şeşımdı qabyldaityn mekemearalyq komissiia qabyldaidy. 2013 jyldyŋ nätijelerı boiynşa 181 mln. teŋge somasyna 51 käsıporynnyŋ şyǧyndary öteldı.
Ūlttyq eksporttyq strategiia.
İndustriia jäne jaŋa tehnologiialar ministrlıgı Kaznex Invest agenttıgımen bırlese otyryp Qazaqstan Respublikasynyŋ Ūlttyq eksporttyq strategiiasyn (ŪES) äzırleumen ainalysyp jatyr. ÜİİDMB ekınşı besjyldyǧy önımnıŋ qosymşa qūnyn arttyruǧa jäne elımızdıŋ ekonomikasynyŋ internasionalizasiia deŋgeiın arttyruǧa baǧyttalǧan. Sondai-aq, Düniejüzılık sauda ūiymyna kırgennen keiın qataŋ bäsekelestık aldan kütıp tūr. Osynyŋ bärı qazaqstandyq käsıporyndarǧa tauarlar men qyzmetter jetkızudegı belgılı «tauaşalardy» özderı ielenıp, būrynǧydan da belsendırek türde syrtyq naryqtardy meŋgeruge mümkındık beretın Ūlttyq eksporttyq strategiiany äzırleu qajettıgın körsetıp tūr.
ŪES mındetterı:
Şikızattyq emes eksport kölemın arttyru;
Eksporttyŋ tauarlyq ärtaraptandyryluyn keŋeitu;
Eksport qyzmetı barysyn būrynǧydan da tiımdırek basqaru maqsatynda älemdık saudadaǧy bolaşaq ürdısterge boljam jasau;
Eksportty qoldaudyŋ jalpyūlttyq jüiesın qūru;
Elımızdıŋ jahandyq bäsekege qabılettılıgın joǧarylatu.
Tabysqa jetu jaǧdailary.
· «Soltrest» JŞS – as tūzynyŋ öndıruşısı «Araltūz» kompaniiasynyŋ resmi distribiutory – Reseidegı bügıngı künı eŋ ülken «Magnit» sauda jelısımen tūz jetkızu turaly kelısımşart jasasty.2018 jylǧa deiın kompaniia 250 mln. resei rublıne önım jetkızedı. «Soltrest» JŞSreseilık bölşek sauda jelısınıŋ bas keŋsesımen kelısımşart jasasqan bırınşı qazaqstandyq kompaniiaǧa ainaldy. Kompaniia üşın būl federaldyq naryqta ūzaq merzımde öz ornyn aluǧa jäne tūtastai alǧanda Qazaqstanda öndırılgen tauarlardyŋ äleuetınkörsetu mümkındıgı.
· Almatylyq «Bakarassov konsernı» käsıporny – lak-boiau materialdarynyŋ öndıruşısı – osy jyldyŋ küzınde Türkmenstandaǧy Aşhabad qalasynda «Bakarassov konsernı» JŞS kompaniiasynyŋ ökıldıgın aşty. Käsıporyn 2006 jyly qūrylǧan. Kaznex Invest arqyly eksporttauşylardy qoldauǧa arnalǧan memlekettık qūraldardy belsendı türde paidalanady, sonyŋ arqasynda soŋǧy bır-ekı jylda kompaniia Türkmenstanǧa, Täjıkstanǧa, Qyrǧyzstanǧa jäne Moŋǧoliiaǧa şyǧa aldy. Osy aimaqtarǧa eksporttyŋ jalpy kölemı osy jyly 500 tonnany qūraidy, al 2014 jyly kompaniia būl körsetkıştı ekı ese arttyrudy josparlap otyr.
· «Evrokopter Qazaqstan İnjiniring», otandyq tıkūşaqtar öndıruşısı, Moŋǧoliianyŋ naryǧyna şyǧuda. Kompaniia Moŋǧoliia aumaǧynda ES145 tıkūşaqtaryna tehnikalyq qyzmet körsetudı jürgızu, keŋes beru järdemı jäne tehnikalyq qoldau, sondai-aq üşqyştar men tehnikalyq qyzmetkerlerdı oqytu boiynşa memorandumǧa qol qoidy. Osy jyly Kaznex Invest agenttıgı qazaqstandyq tıkūşaqtardyŋ tanystyrylymyn Belorussiiada, Ukrainada, Türkmenstanda, Äzerbaijanda ötkızdı. Sonymen qatar kompaniia bızdıŋ tehnikamyzdyŋ äleuettı satyp aluşylary bolyp tabylatyn osy elderdıŋ tötenşe jaǧdailar, qorǧanys, densaulyq saqtau, ışkı ıster ministrlıkterınıŋ basşylyqtarymenkelıssözder jürgızu mümkındıgıne ie boldy.
Bügınde Qazaqstan eksport kölemı boiynşa älemdık eksporttauşylardyŋ arasynda 40 oryndy iemdenıp otyr. Eksport geografiiasy — älemnıŋ 120 elı, sonyŋ ışınde daiyn önım 111 elge jetkızıledı.
Qosymşa aqparat alu üşın:
KAZNEX INVEST PR-menedjerı Madina İmanalieva, imanalieva@kaznexinvest.kz,
