Jaŋalyqtar
SANKT-PETERBURGTE QAZAQTYŊ ETNOAUYLY AŞYLADY
Aldaǧy senbı, 17 mamyr künı Sankt-Peterburg qalasynda Astananyŋ mädeni künderı bastalady. Ekı qala arasyndaǧy mädeni jäne ıskerlık bailanysty nyǧaituǧa baǧyttalǧan şara barysynda astanalyqtar qazaqtyŋ etnoauylyn körsetetın bolady.
Etnoauyldyŋ tynys-tırşılıgımen tanysuǧa keletın Sankt-Peterburg qalasynyŋ tūrǧyndary qazaq qolönerşılerınıŋ şeberlık saǧattaryn körıp, oǧan özderı de qatysuǧa mümkındık alady. Ol üşın arnaiy «Qazaq auyly» ekspozisiiasy qūrylady. Şi, basqūr toquǧa, syrmaq syryp, keste tıguge niettıler osy alaŋda özderınıŋ qyzyǧuşylyǧyn tudyrǧan dünielermen tanysady. Qamşy örıp, kılem toqyp, jıp iırıp qazaq halqynyŋ dara bolmysyn tereŋ ūǧady. Būdan basqa da salt-dästürlerımız körsetıledı. Sonymen qatar, etno-auyldyŋ qonaqtary üşın «Astana ballet» bi ūjymy men «Solister akademiiasy» memlekettık kameralyq orkestrı öner körsetedı.