Elordalyqtar qoljetımdı baǧada azyq-tülık alyp, Arqanyŋ ūzaq qysyna qamdanuda auylşaruaşylyǧy järmeŋkesı maŋyzdy rölge ie. Ötken senbı, jeksenbı künı Syrdyŋ diqandary astanalyqtarǧa önımderın ūsyndy.
Syr diqandary 50 jük avtokölıgımen 500 tonnadan astam önım äkelıptı. Qyzylorda oblysy degende, oiǧa kürış, balyq, qauyn-qarbyz, asqabaq, tūz kelmei me? Elordalyqtar da önımnıŋ osy türın aluǧa qyzyǧuşylyq tanytatyny anyq. Sondyqtan Nūr-Sūltan qalasynyŋ tūrǧyndaryna bazarlyq retınde qyzylordalyqtar önımnıŋ osy türın meilınşe mol äkeluge män berıptı. Iаǧni 100 tonna kürış, 30 tonna balyq jäne onyŋ önımderı, 15 tonna et, 80 tonna kökönıs pen jemıs-jidekter, 210 tonna baqşa önımderı, 50 tonna asqabaq, 3 tonna as tūzy, 10 tonna süt önımderı, 5 tonnaǧa juyq konditer önımı järmeŋkenıŋ alaŋyna şyǧaryldy.
Jaŋaqorǧan audany äkımınıŋ orynbasary Darhan Tūrsynbaev:
– Qyzylorda oblysynan jalpy qūny 200 million teŋgenı qūraityn önım keldı. Būǧan barlyq audannyŋ diqandary atsalysty. Bızdıŋ audannan kürış önımderı men baqşa daqyldary jetkızıldı. Äsırese, Syrdyŋ kürışıne sūranys joǧary boldy, – dedı.
Rasynda Syrdyŋ önımderıne sūranys joǧary boldy. Odan bölek, balyq pen asqabaqty köptep alyp jatqandardy baiqadyq.
Elordalyq Eldos Saidullaūly esımdı azamatty sözge tartqanymyzda:
– Qyzylordalyqpyn! Jylda osy järmeŋkeden bır qysqa jetetın asqabaq alamyn. Biyl da bır qap asqabaqty 5600 teŋgege aldym. Bır kelısı 150 teŋgeden keldı, – dedı ol.
Būryn-soŋdy alyp balyqty körmegen astanalyq tūrǧyn:
– Mä, osyndai ülken balyq bolady eken-au! Bırınşı ret köruım! – dep taŋdanysyn jasyra almady.
Qysqasy, järmeŋkenıŋ jyluy ortaq, qyzyǧy mol!
