Nauryz – Ūly dala halqynyŋ erteden berı toilap kele jatqan merekesı. Ūltymyzdyŋ jaŋa jyly da köktem lebı bılıngen, kün men tün teŋelgen äz-Nauryzdan bastau alady.
Täuelsızdık alǧannan berı qanşama ūlttyq qūndylyǧymyz ūlyqtalyp jatyr. Sol qatarda qazaqstandyqtardyŋ Nauryzdy ūlttyq mereke, jyl basy retınde atap ötıp kele jatqanyna da bıraz uaqyt boldy. Ol elımızde äldeqaşan bereke-bırlıktıŋ merekesıne ainalyp kettı. Keide «Nege bızde mereke köp, bärın toilai beremız be?» degen pıkır de aitylyp jatady. Al men halqymyzdy berekemen toilaityn merekeden aiyrmasyn der edım. Adamnyŋ är künı aman jüruı, atqan taŋnyŋ araiyn, batqan künnıŋ şapaǧyn körıp jürgenınıŋ özı mereke. Sondyqtan ızgılıkke şaqyratyn, bauyrmaldyqqa baulityn Nauryzdy bız qalai atap ötsek te artyq etpeidı. Biyl, mıne, Nauryzdy jaŋaşa ülgıde toilap jatyrmyz. Osy on kündık mereke aiasynda qanşama ūlttyq qūndylyǧymyz därıptelıp jatyr. Būl, ärine, quanarlyq jaǧdai. Ekınşı tūrǧydan alǧanda, onyŋ jaŋaşa ülgıde toilanuy – Nauryzdyŋ däuır tynysymen, zamana lebımen qaita tüleuı. Öitkenı būl merekenı türkı tıldes halyqtardyŋ barlyǧy toilaǧanmen, mazmūn jaǧynan aiyrmaşylyq ta joq emes. Biyl qazaq halqy sol merekenı toilaudyŋ halyq arasynda saqtalǧan sarqynşaǧyn jüielep, bärın bır arnaǧa qaita toǧystyrdy.
Qazaq halqy – meiırımdı, bauyrmal halyq. Elımızde basqa ūlttardyŋ merekesı de ülken qūrmetpen atalyp ötıp keledı. Eşbır ūlttyŋ merekesıne, salt-dästürıne şekteu qoiylyp jatqan joq. Sonymen qatar basqa ūlttar da qazaq halqynyŋ äz-Nauryzyn yqylaspen atap ötudı ädetke ainaldyrǧan. Būl – elımızdegı airandai ūiyǧan berekenıŋ bır belgısı. Aldaǧy uaqytta da Nauryz meiramy ūlttar arasyndaǧy yntymaqty nyǧaitatyn tatulyq merekesı retınde atalyp öte beredı dep senemın.
Biyl Nauryz qasiettı Ramazan aiymen tūspa-tūs keldı. Orazada tılegen tılegımız, jasaǧan qūlşylyǧymyz qabyl bolyp, elımızde mäŋgılık tynyştyq bolsyn. Bırlıkten biık märtebe, tynyştyqtan qymbat bailyq joq. Törtkül dünieden tynyştyq ketıp, geosaiasi jaǧdai kürdelenıp, qantögıs köbeigen qazırgı şaqta bızge auyzbırşılıkten, jūdyryqtai jūmylǧan berekeden qasterlı eşteŋe joq. «Üi ışı ala bolsa, kerege basy päle bolady» degendei, ışkı bırlıgı ketken eldıŋ basynda baq ta, bailyq ta tūrmaidy. Sondyqtan Alla bızdı eldıkten, bırlıkten aiyrmasyn, kök tuymyz kök aspanda jelbırep, jalpy jūrt eldık sana biıgınde toǧysyp, ūlan-ǧaiyr Euraziia tösınde mäŋgılık el retınde saltanat qūraiyq. Elımız aman, jūrtymyz tynyş bolsyn. Nauryzdan-nauryzǧa aman jeteiık. Bolaşaǧymyz jarqyn, ūrpaqtar baqytty bolǧai!
Ersūltan BEKTŪRǦANOV,
qoǧam qairatkerı, «Qūrmet», «Parasat» ordenderınıŋ,
«Eren eŋbegı üşın» medalınıŋ iegerı
