Qalalyq mäslihattyŋ zaŋdylyq, qūqyq tärtıbı jäne jūrtşylyqpen jūmys mäselelerı jönındegı tūraqty komissiianyŋ otyrysynda jaisyz otbasylar jaiynda aityldy.
Ötken jyly Nūr-Sūltan qalasynda 15 ata-ana qūqyǧy şektelıp, 16-sy būl qūqyqtan aiyrylǧan. 10 bala qolaisyz jaǧdaiǧa bailanysty otbasylarynan alynyp, balalar üiıne tapsyrylǧan. 400-den asa jasöspırım «Pravo» qoǧamdyq qorynyŋ psihologiialyq kömegıne jügıngen. Al iuvenaldy polisiia 213 otbasyny jaisyz dep tanyp, arnaiy tırkeuge alǧan. 313 şaŋyraq bala tärbiesıne qyryn qarap, tiıstı türde tärbie bere almaǧany üşın jauapkerşılıkke tartylǧan.
«Nūr-Sūltan qalasy äkımdıgınıŋ janyndaǧy kämeletke tolmaǧandardyŋ ısterı jäne olardyŋ qūqyqtaryn qorǧau jönındegı komissiianyŋ kämeletke tolmaǧandardyŋ qūqyqtary men zaŋdy müddelerın qorǧau jäne qalpyna keltıru şaralaryn jüzege asyru jönındegı jūmysy turaly» mäsele talqyǧa salynǧan otyrysta şahar äkımdıgı hatşylyǧynyŋ äielder ısterı jäne otbasylyq-demografiialyq saiasat jönındegı komissiiasynyŋ bas inspektor-hatşysy Anar Mūqaşeva, Bılım basqarmasynyŋ basşysy Qasymhan Senǧazyev baiandama jasap, atqarylǧan jūmystardy atap öttı.
Iývenaldy polisiia qyzmetkerlerı qaladaǧy bılım oşaqtarynda 400-den asa kezdesu men därıs ötkızıp, 10 myŋ oquşyny qamtyǧanyna qaramastan, sūmdyq sandar sanany tıtırkendırerı sözsız. 49 ret ötken ata-analar jinalysyna 2000-ǧa tarta adam qatysqan.
Qasymhan Senǧazyevtyŋ sözınşe, bas qalada qaŋtar aiynyŋ özınde 46 balany tärbiemen, materialdyq mümkındıkpen qamdai almaǧan 26 otbasy arnaiy esepke alynǧan. Basqarma basşysy atalǧan mäselenı oŋtaily şeşu üşın bırşama ūsynystarymen bölısıp, josparymen tanystyrdy.
Mäslihat deputaty Baqdäulet Jandıldaev qiyn jaǧdaiǧa tüsken otbasylarmen kezdesu barysynda balalardy tegın sporttyq jäne şyǧarmaşylyq üiırmelerge beruge bolatynynan beihabar janūialar bar ekenın aityp, osy baǧyttaǧy jūmystardy şiratyp, jaŋadan «Otbasy mäselelerı boiynşa qalalyq basqarma» qūrudy ūsyndy. Taǧy bır halyq qalaulysy Erlan Däkenov öz tarapynan kämeletke tolmaǧan oquşylar arasynda älımjettık körsetu mäselesın qarastyrudy aityp, aldaǧy uaqytta taqyryp boiynşa jasalǧan josparlardy qarap, bekıtetının aitty.
Al Saltanat Jenalaeva bır ǧana komissiia alyp şahardaǧy mäselenı igere almaitynyn aityp, osyndai komissiianyŋ qalanyŋ tört audanynda qūru qajet dedı.
Baijan EMBERDI
