Poliaktardyŋ Qazaqstanǧa jer audarylǧanyna biyl – 80 jyl. Osyǧan bailanysty keşe Astana qalasynda Qazaqstan halqy Assambleiasynyŋ qalalyq bölımşesı, «Polasy» qoǧamdyq bırlestıgı jäne Polşa respublikasynyŋ Qazaqstandaǧy elşılıgınıŋ ūiymdastyruymen arnaiy ıs-şara öttı.
Şaraǧa qatysqan resmi ökılder sonau qiyn-qystau zamanda bastan ötkergen auyr künderın esterıne alyp, jazyqsyz quǧyn körıp jer audarylyp kelgen özge ūlttarǧa qorǧan bolǧan qazaq halqynyŋ bauyrmaldyǧy turaly jyly lebızderın bıldırdı. «Qazaq halqy totalitarlyq jüienıŋ kesırınen tuǧan jerınen aiyryp, erıksız jer audarylǧan ūlttardy eş oilanbastan bauyryna basty. Barymen bölıstı. Öz tılımızde söileuge, öz mädenietımızdı damytuǧa mümkındık berdı. Qazırgı taŋda Qazaqstanda 13 oblystyq mekememız jūmys jasap tūr. Bır ǧana Pavlodardyŋ özınde poliak tılınen sabaq beretın 22 synyp bar» deidı Qazaqstan poliaktary odaǧynyŋ Pavlodar bölımşesınıŋ töraǧasy Vitalii Sviniskii.
Şara soŋynda «Polasy» qoǧamdyq bırlestıgınıŋ ūiymdastyruymen konsert qoiylyp, taqyryptyq körme körsetıldı. Konsertke elordalyq basqa da etnomädeni bırlestıktıŋ şyǧarmaşylyq ūjymdary qatysty.
Qazaqstanǧa poliaktardy jer audaru jūmystary Keŋester ükımetınıŋ 1936 jylǧy 28 säuırındegı HKK qūpiia qaulysy negızınde jürgızıldı. Osy qauly negızınde elımızge Ortalyq Ukrainadan 15 myŋnan astam poliak jäne nemıs ūlty qonystandyryldy. Bügınde elımızde Qazaqstanda tūryp jatqan poliak ūltynyŋ sany 50 myŋnan asady.
Bürkıt NŪRASYL
