JASTARǦA JŪMYS ŪSYNDY
Astanada jastarǧa arnalǧan bos jūmys oryndary järmeŋkesı öttı. Ony qalalyq Bılım basqarmasy, Jūmyspen qamtu, eŋbek jäne äleumettık qorǧau basqarmasy jäne Astana qalasynyŋ aimaqtyq käsıpkerler palatasy ūiymdastyrdy.
İgılıktı şaranyŋ maqsaty – bas qaladaǧy eŋbek naryǧynyŋ talaptaryn nazarǧa alyp, tehnikalyq jäne käsıptık bılım beru oqu oryndaryn biyl tämamdap jatqan tülekterın jūmysqa ornalastyruǧa qoldau körsetu.
Järmeŋkege öndırıs pen käsıpkerlık jäne qyzmet körsetu salalary boiynşa 50-den asa ırı kompaniialar qatysty. Olar 6 myŋnan astam tülekterge bos jūmys oryndaryn ūsyndy.
Sondai-aq, Jūmyspen qamtu, eŋbek jäne äleumettık qorǧau basqarmasynyŋ qyzmetkerlerı kolledj tülekterıne «Jūmyspen qamtu jol kartasy – 2020» memlekettık baǧdarlamasy men «Jastar täjıribesı» baǧdarlamasy jaiynda keŋırek maǧlūmat berıp, olardy jūmyspen qamtu maqsatynda jeke mälımetterın aqparattar qoryna engızdı.
Osyndai jaqsylyqtyŋ jarşysy bolǧan şaranyŋ nätijesınde jas mamandar qalaǧan mamandyqtary boiynşa qūjattaryn tapsyryp, märe-säre quanyşqa keneldı.
Azamat ESENJOL