Keşe Astana qalasynyŋ äkımı İmanǧali Tasmaǧambetov pen Resei Federasiiasy Başqūrtstan Respublikasy Ufa qalasynyŋ qalalyq öŋırı äkımşılıgınıŋ basşysy İrek Iаlalov Dostyq jäne yntymaqtastyq turaly kelısımge qol qoidy.Astanada ötıp jatqan Başqūrtstannyŋ ekonomika jäne mädeniet künderı aiasynda ötkızılgen kezdesude qala äkımı İmanǧali Nūrǧaliūly:
– Qazaq pen başqūrt – ejelden ırgesı ajyramaǧan, dostyq tamyry tereŋde jatqan bauyrlas elder. Bügınde Ufa qalasy qarqyndy damyp keledı. Ekı şahardyŋ özara jarasymdy bailanysy men ärıptestık qarym-qatynasy arta beretınıne senımımız mol, – dep atap öttı.
Bas qalanyŋ qalyptasu tarihyna az-kem toqtalǧan äkım Elbasynyŋ Astanany auystyru turaly ideiasy qiyn-qystau kezeŋde düniege kelgenın, kezınde jūrtşylyqqa qiialdai körıngen būl bastama keiın aqiqatqa ainalyp, Esıldıŋ boiynda qazaqtyŋ äsem şahary boi kötergenın jetkızdı.
– Qazırgı taŋda Astana qarqyndy damyp keledı. Elordamyzda nebır aişyqty ǧimarattar boi köterdı. Qala tūrǧyndarynyŋ sany resmi derek boiynşa 800 myŋǧa jettı. Alaida, qalaǧa aǧylyp jatqan el köp. Olardyŋ ışınde tırkelmegenderı de qanşama. Sondyqtan 1 millionǧa jettık deuge de negız bar. Al, kezınde şahar halqy nebary 200 myŋdai bolǧan, – dedı İmanǧali Tasmaǧambetov.
Elordaǧa investisiia tartuǧa airyqşa köŋıl bölınıp otyrǧanyna toqtalǧan qala äkımı «Astana – jaŋa qala» arnauly ekonomikalyq aimaǧynda ornalasqan İndustriialdyq parkte investorlardy tartuǧa qolaily jaǧdai jasalǧanyn, nysandar salynyp jatqan oryn jer salyǧynan bosatylatynyn aitty.
Astana äkımınıŋ jyly qabyldauyna rizaşylyǧyn bıldırgen İrek Iаlalov myrza Ufa qalasynyŋ bügınde qanşalyqty jetıstıkke jetkenın äŋgımeledı.
Bügınde Başqūrtstan astanasy ömır süruge qolailylyǧy men biznestı damytu jaǧynan Reseidegı qalalardyŋ ışınen ekınşı oryndy, qūrylys salu jaǧynan üşınşı oryndy ielenedı eken. Ärı Ufa – älemdık deŋgeidegı 8 bırdei qonaqüidı qatarynan salyp jatqan bırden-bır şahar. Reseidegı halqynyŋ sany millionnan asatyn 12 qalanyŋ bırı de osy Ufa. Başqūrtstan Respublikasyndaǧy önerkäsıptıŋ 50 paiyzy osynda ornalasqan. Qalanyŋ negızgı qūrauşy küşı – önerkäsıp ekendıgı de sondyqtan.
Būdan keiın qos tarap Dostyq jäne yntymaqtastyq turaly kelısımge qol qoidy.
Qūjat sauda-ekonomikalyq, mädeniettık jäne gumanitarlyq özara qarym-qatynastardy keŋeituge baǧyttalǧan. Äsırese, Astana men Ufa kölık, tūrǧyn üi-kommunaldyq şaruaşylyq, aqparattandyru jäne bailanys salalarynda täjıribeler men aqparattar almasu turaly kelısımge keldı.
Yntymaqtastyqtyŋ auqymdy bölıgı tabiǧatty qorǧauǧa arnalǧan. Atap aitqanda, qos tarap auyzsu jäne naualardy tazartudyŋ jaŋa tehnologiialaryn engızu, önerkäsıptık käsıporyndardyŋ qorşaǧan ortany qorǧauy, tūrmystyq jäne önerkäsıptık qatqyl qaldyqtardy jinau, qaita öŋdeu jäne kömu jüiesın jetıldıru, tabiǧi nemese tehnogendı sipattaǧy apattardy joiu jäne ekologiialyq saqtandyru men sertifikattaudy engızu jüielerın jetıldıru boiynşa köptegen jobalardy jüzege asyruǧa uaǧdalasty.
Qymbat TOQTAMŪRAT
