Jastar saiasaty mäselelerı basqarmasynyŋ ūiytqy boluymen elordadaǧy Kärıster etnomädeni qauymdastyǧy «Men – qazaqstandyqpyn» atty forum ūiymdastyrdy.
Äserlı şarany «Samulnori» baraban ansamblı aşqan soŋ qoǧamdyq bırlestık töraǧasynyŋ orynbasary Roza Pak jinalǧandardy Qazaqstan halqy assambleiasynyŋ 20 jyldyq mereitoiymen qūttyqtady. Būdan keiın köpşılık nazaryna el tarihynan, mädenietı men sportynan, ūlttar dostastyǧynan habar beretın şaǧyn beinerolik ūsynyldy.
Filosofiia ǧylymynyŋ doktory, «Nūr Otan» HDP Astana qalalyq filialy äleumettık bastamalardy taldau jäne boljau ortalyǧynyŋ jetekşısı Qazbek Mailybaiūly «HHI ǧasyrdaǧy Qazaqstan jastary» baiandamasynda keiıngı tolqyn ökılderın eŋbekke yntalandyru, zaman talabyna sai bılım alu, tıl üirenu, bäsekege qabılettı bolu, patriottyq sezımdı arttyru siiaqty qasietterdı arttyru kerektıgın basa aitty.
Qazaq memlekettık zaŋ universitetınıŋ dosentı, filosofiia ǧylymynyŋ kandidaty Aiman Rahimov «Menıŋ jüregımdegı patriottyq sezım» taqyrybynda tolǧandy. L.Gumilev atyndaǧy Euraziia ūlttyq universitetınıŋ studentı Ainūr Rahmatalieva «Men – qazaqstandyqpyn» atty baiandamasynda el damuyndaǧy jastar ülesıne toqtaldy.
Jiynnyŋ ekınşı bölımı jastardy belsendılık pen qozǧalysqa şaqyrǧan ıs-şaralarǧa toly boldy. Arnaiy qonaq – ekı dürkın Olimpiada, tört dürkın Älem chempiony İlia İlinnıŋ äŋgımelerı jinalǧandarǧa erekşe äserge böledı. «Men qazaqstandyq ekenıme maqtanamyn. Ärkım qolynan kelgenşe öz elın älemge tanytuǧa tyrysuy kerek. Sızderge aitarym, sportpen şūǧyldanyp, jaqsy oqyp, tek alǧa ūmtylyŋyzdar. Aŋsaǧan armanǧa jetu üşın maqsat qoia bılıŋder! Elbasynyŋ ideiasyn qoldap, ärı qarai damytyp, qaşan da bırlıkte ömır süreiık!» dedı ol.
Forumdy ūiymdastyruşylardyŋ bırı, taekvandodan sport şeberı, halyqaralyq fitnes baǧdarlamalaryn ūsynuşy, Aziada – 2011 qysqy oiyndarynyŋ estafetasynda alau ūstaǧan Vadim She jeke jattyǧularyn körsetıp, paidaly keŋesterımen bölıstı. «Misson»
bi ansamblı men halyqaralyq «Şabyt» festivalınıŋ laureaty Evgenii Kugai öner körsettı.
Narbiık Mäslihattyŋ oryndauyndaǧy «Atameken» änı şyrqalyp, qatysuşylar alǧys hattarmen marapattaldy.
Gülnär JŪPARBEK,
L.Gumilev atyndaǧy Euraziia ūlttyq universitetınıŋ studentı
