Astana qalasy äkımdıgınde sybailas jemqorlyqqa qarsy kürestı küşeitu jönındegı vedomstvoaralyq komissiianyŋ otyrysy öttı. Jiynda Astana qalasynyŋ äkımı Äset İsekeşev äkımdıktıŋ barlyq qūrylymdyq bölımşelerınıŋ, vedomstvoǧa qarasty ūiymdar men mekemelerdıŋ basşylaryna tiıstı tapsyrmalar berdı.
Qala äkımı öz sözınde basqarma basşylarynyŋ sybailas jemqorlyqqa qarsy küres saiasatyn jüzege asyruǧa nemqūraily qaraitynyn atap ötıp, osy baǧytta pärmendı şaralar qabyldaudy tapsyrdy. Eŋ bırınşı olar äkımşılık tosqauyldardy qysqartu baǧytyndaǧy jūmystardy jalǧastyryp, äkımdıkte körsetıletın barlyq memlekettık qyzmetterdıŋ aiqyndylyǧy men jariialylyǧyn qamtamasyz etıp, taldau jürgızuı tiıs. Sonymen qatar, jer uchaskelerın beru jäne qūrylys barysynda tenderler ötkızu, oryndalǧan jūmys aktılerıne qol qoiu kezınde sybailas jemqorlyq täuekelderın azaituǧa baǧyttalǧan bırqatar baǧyttardy aiqyndap berdı.
Jemqorlyqtyŋ aldyn alu üşın elorda äkımdıgı men vedomstvoǧa qarasty qūrylymdardyŋ ǧimarattarynyŋ bırınşı qabattarynda beinebaqylau kameralary jäne dybys jazatyn qūraldarmen jabdyqtalǧan arnaiy orynjailar ūiymdastyrylmaq. Būl orynjailarda käsıpkerlermen kezdesuler ötkızıletın bolady, ol jäne komissiialardyŋ qatysuymen jüzege asyrylady. Sonda basşylardyŋ käsıpkerlermen jeke bailanysqa şyǧuyna jol berılmeidı. Äkımdıktıŋ barlyq qūrylymdyq bölımşelerınıŋ basşylaryna qūjatqa qol qoiu üşın käsıpkerlık subektılerın öz kabinetterınde qabyldauǧa endı tyiym salynady. Sondai-aq, jūmystan tys uaqytta da tender jeŋımpazdarymen kezdesuge bolmaidy.
Osylaişa, elorda äkımdıgınıŋ qūrylymdyq bölımşelerınıŋ basşylary üşın biznes ökılderımen jūmysty ūiymdastyru jönındegı jaŋa talaptar belgılendı.
– Qoǧamnyŋ memlekettık qyzmetşılerge qoiǧan moraldyq-adamgerşılık talaptary joǧary. Memlekettık qyzmetşıler jūmystan tys uaqytta jalpyǧa belgılengen moraldyq-etikalyq normalardy ūstanuy kerek, qoǧamǧa qarsy jürıs-tūrys jaǧdailaryna jol berılmeuı tiıs, – dep tiianaqtady mūny Ä.İsekeşev.
Qala basşysy memlekettık qyzmetkerlerdıŋ Ädep kodeksıne säikes tärtıp standarttaryn saqtauǧa basa nazar audaryp, qyzmettık kölıkterdı jūmystan tys uaqytta jäne jeke maqsatta paidalanudyŋ zaŋǧa qaişy äreket ekendıgın de eske saldy.
Astana äkımı «Astana Su Arnasy», «Kommunaldyq menşık qory», «Qalalyq jyljymaityn mülık» memlekettık kommunaldyq käsıporyndary men «Astanaenergoservis», «Astanateplotranzit», «Astana-REK» AQ jäne taǧy basqa käsıporyndardyŋ basşylaryna da sybailas jemqorlyqqa qarsy küres jūmystaryn küşeitudı tapsyrdy.
– Sybailas jemqorlyqqa qarsy küres zaŋnamasyn būzu faktılerı tırkelgen jaǧdaida, bırınşı basşylar özderı jetekşılık etetın memlekettık organ üşın jeke jauap beretın bolady, – dep eskerttı qala äkımı.
Ä.İsekeşov būdan ärı anyqtalǧan kez kelgen jaǧdai qoǧam aldynda tūtastai äkımdıktıŋ bedelın tüsırıp, azamattardyŋ memlekettık organdarǧa degen senımın joǧaltatynyn basa aityp öttı. Qolǧa alynǧan şaralardyŋ barlyǧy lauazymdy tūlǧalardyŋ da, memlekettık organ qyzmetınıŋ de aiqyndylyǧyn qamtamasyz etuge septeserı sözsız.
