Нұр-Сұлтан қаласының әкімі Бақыт Сұлтанов Ұлыстың ұлы күні – Наурыз мерекесі қарсаңында қаланың төрт ауданын аралап, жұртшылықпен кездесті.
Атап айтсақ, шаһар басшысы Қазақ елі алаңында, «Өндіріс» және «Көктал-2» тұрғын алабында болып, думандатқан халықтың қуанышын бірге бөлісіп қайтты. Мұнымен қоса, ҚР Еңбек және халықты әлеуметтік қорғау министрі Бердібек Сапарбаевпен бірге «Жағалау» шағын ауданындағы наурыз мейрамына қатысып, ақсақалдардың батасын алды. Мұнда да жиналған көпшілік мерекелік бағдарламаларын ұсынды. Қазақша күрес, қол күресі, арқан тарту, асық ату, гір көтеру сайыстары ұйымдастырылып, бауырсақ пен наурыз көже таратылды.
