Үміткер Ұлытау облысына барды
Қазақстан Республикасының Президенттігіне кандидат Қажыкен Мейрам Зекешұлының сайлауалды үгіт-насихат науқаны жалғасуда.
2022 жылдың 25 қазанында ол үгіт-насихат жұмысы аясында жаңадан құрылған Ұлытау облысына барды. Мұнда кандидат Қ.И.Сәтбаев атындағы (Kazakhmys корпорациясы құрамына кіреді) Жезқазған тау-кен металлургия комбинатының еңбек ұжымымен кездесті. Сондай-ақ ол еліміздегі ең ірі салалық кәсіподақтардың бірі «КәсіпҚорған» мүшелерімен кездесу өткізді. Ұйым құрамында тау-кен металлургия кәсіпорындары мен аралас өндіріс орындарының қызметкерлері бар. Үміткер өзінің сайлауалды бағдарламасының негізгі аспектілері жайлы баяндап, кейбір басым бағыттарына толығырақ тоқталды.
«Қазақмыс» компаниялар тобында төрт кәсіподақ жұмыс істейді: «КәсіпҚорған», «Қазпрофметалл», «Лайықты еңбек» және «Enbek». Олардың құрамында 57 мыңнан астам жұмысшы бар. Еңбеккерлердің басым бөлігі «КәсіпҚорған» кәсіподағына бекітілген.