Мәдениет
Ынтымаққа үндеді
«Хан Шатыр» ойын-сауық орталығында Астана қаласының Қоғамдық даму істері басқармасының қолдауымен Қазақстан студенттерінің альянсы этномәдени бірлестіктердің жастар қанаты күндерін атап өтті.
Шара аясында қатысушылар түрлі ұлыстың мәдениеті және өнерімен танысып, тақырыптық сұрақтарға жауап берді. Неміс қауымы баварлық би билеп шықса, поляктардың «Ча-ча-ча», «Шла девэчка» әндерін көрермендер қосыла орындады. Ал кәріс қауымы өздерінің әсем костюмдерімен көпшілікті тәнті етті. Іс-шара «Келісім, ынтымақтастық, достық – елдің басты байлығы» атты ұран аясында ұйымдастырылды. Іс-шара этномәдени бірлестіктердің жастар қанаты өкілдерінің қатысуымен өткізілген фестивальмен аяқталды.