Алматы ауданының әкімдігінде Қазақстан Республикасы Тәуелсіздігінің 25 жылдығына орай кәмелет жасқа толған азаматтарға жеке куәлік тапсыру рәсімі өтті.
– Жеке куәлік алу – адам өміріндегі ерекше сәттердің бірі. Бұл дегеніңіз – сіздер балалық шақтан алыстап, үлкен өмірге қадам бастыңыздар деген сөз. Алдарыңызда үлкен асулар жатыр. Ең бастысы, дендеріңіз сау болып, еліміздің гүлденуі жолында еңбек етіңіздер. Мемлекеттің келешегі – білікті жастардың қолында. Сіздер «Қазақстан азаматы» деген атқа лайық болып, Отан алдындағы азаматтық міндеттеріңізді адалымен атқарады деп сенеміз, – деді жастарға жеке куәлік тапсырған Алматы ауданының әкімі Әділбек Сәрсембаев.
Салтанатты шараға құрметті қонақ ретінде ҚР Парламенті Сенатының депутаты Владимир Редкокашин қатысты. Ол өз сөзінде жастардың қадамына ақ жол тілеп, ел намысын биік ұстауға шақырды.
