Бұл – біздің Қазақстан
Астанада 2500-ден астам бала қатысқан «Бұл – біздің Қазақстан» ұлттық киімдер флэшмобы Қазақстан халқының бірлігі күні мен Халықаралық би күні қарсаңында өтті.
Елордалық барлық білім беру ұйымдарында бұрыннан қалыптасқан дәстүр бойынша өтетін шараның мақсаты – әлем халықтарының дәстүрлі би өнерімен және олардың шығармашылығымен таныстыру, ұлтаралық және конфессияаралық бейбітшілік пен келісімді сақтау. Осылайша оқушыларды достық, толеранттылық сезімдерін нығайтуға, жасөспірімдердің қоғамдық белсенділігін арттыру мен өскелең ұрпаққа дұрыс үлгі танытуға үлес қосады.
Көктемнің көңілге шаттық сыйлаған әсем мерекесі Махамбет Өтемісұлы атындағы Оқушылар сарайының алдындағы хореографиялық ұжымдар мен этнолингвистикалық орталықтар қатысқан мерекелік бағдарламамен аяқталды.