Елорда тынысы
Аналарға – «Алтын алқа»
Астана қаласының Сарыарқа ауданындағы 35 алтын құрсақты ана алтын және күміс алқа иесі атанды.
Аудан әкімі Бауыржан Ералы көпбалалы аналарды арнайы шақырып, мемлекеттік төсбелгіні табыс етті.
– Аналар тек өз отбасында ғана емес, қоғамда да алатын орны ерекше. Себебі келер ұрпақтың саналы тәрбие алуын қамтамасыз ететін тұлға ол – ана. Ардақты, аяулы аналар қашан да құрметке лайық. Еліміздің демографиясына қосқан үлестеріңізге алғысымды білдіремін! – деді аудан басшысы.
«Күміс алқа» алқасымен алты баланы, «Алтын алқа» орденімен жеті және одан да көп баланы дүниеге әкеліп, тәрбиелеген аналар марапатталды.