АПТА ҰСЫНЫСЫ
Астаналық сәулетші Евгений Невеличков елорданың сол жағалауының үстін алып мөлдір күмбезбен жабуды ұсынып отыр.
Оның айтуынша, кәдімгі жылыжайдың рөлін атқаратын күмбез климаттың қолайсыздығын жоюға көмектеседі.
Астананың үстіне диаметрі бір жарым-екі шақырымдық күмбез сол жақ жағалаудың барлық басты нысандарын жауып, Астананы жыл бойы 20 градус жылылықта ұстап тұруға мүмкіндік береді екен.
Невеличковтың есептеуінше, күмбездің құны миллиард доллардай болады.
Осыған ұқсас фторпластиктен жасалған биіктігі жарты шақырым және диаметрі шамамен бір жарым шақырым болатын алып күмбезді америкалық Хьюстон қаласында іске асыру шамаланып отырған көрінеді.
Сәулетші осындай конструкцияны салу арқылы салқын ауа райының мәселесін толық шешіп, қалаға миллиондаған туристерді тартуға болады дейді.