استانانىڭ 20 جىلدىق مەرەكەسى اياسىندا الماتى قالاسىنان 90 وقۋشى ەلورداعا قوناققا كەلدى. ولار ءۇش كۇن بويى باس قالانىڭ كورنەكتى جەرلەرىن ارالاپ, تاريحىمەن تانىستى.
تۇرمىسى تومەن جانە كوپ بالالى وتباسىدان شىققان وقۋشىلارعا ارنايى تاقىرىپتىق ەكسكۋرسيا ۇيىمداستىرىلدى.
«جالپى, بۇل شارانىڭ ماقساتى – ىشكى ءتۋريزمدى, بالالار مەن جاسوسپىرىمدەر ءتۋريزمىن جانە ولكەتانۋشىلىق پەن ەكسكۋرسيا قىزمەتىن دامىتا وتىرىپ, بولاشاقتىڭ تۇتقاسىن ۇستار بۇگىنگى بۇلدىرشىندەردىڭ جۇرەگىنە وتانشىلدىق, ۇلتشىلدىق ءدانىن ەگۋ. ەكسكۋرسيانىڭ العاشقى كۇنىندە الماتىلىق وقۋشىلار مەملەكەتتىك ماڭىزى بار نىسانداردى ارالادى, ولاردىڭ تاريحىمەن تانىستى» دەيدى ۇيىمداستىرۋشىلاردىڭ ءبىرى اباي قۋانىشبەكۇلى. ونىڭ ايتۋىنشا, بالالار ميلليوندارعا حابار تاراتىپ وتىرعان «قازمەديا ورتالىعى» عيماراتىنا, قر تۇڭعىش پرەزيدەنتىنىڭ كىتاپحاناسى مەن قورىنا, قر ۇلتتىق مۇراجايىنا, استانا قالاسىنىڭ ورتالىق پاركىنە جانە ەكسپو-2017 كەشەنىن ارالاپ شىققان. ايتا كەتەيىك, بالالارعا مۇنداي سىي جاساعان – الماتى قالاسىنىڭ تۋريزم جانە سىرتقى بايلانىستار باسقارماسى.
