قۇرىلىستىڭ باستاپقى ساتىسىندا ۇلەسكەرلەردىڭ اقشاسىن قابىلداۋعا ءتيىستى رۇقساتى جوق قۇرىلىس ۇيىمدارىنىڭ ءتىزىمى جاسالدى. بۇل تۋرالى ەلوردا اكىمدىگىنىڭ رەسمي سايتى اقپارات تاراتتى.
قولدانىستاعى زاڭنامانى اينالىپ ءوتىپ جاسالعان بارلىق مامىلەلەر (الدىن الا برونداۋ شارتى, رەزەرۆتەۋ شارتى, ينۆەستيتسيالاۋ شارتى, تالاپ ەتۋ قۇقىعىن باسقاعا بەرۋ شارتى) تومەندە كورسەتىلگەن كوپپاتەرلى تۇرعىن ءۇي كەشەندەرىندە جارامسىز بولىپ سانالادى. استانا قالاسىنىڭ اكىمدىگى اقشاڭىزعا اباي بولۋ كەرەكتىگىن ەسكەرتەدى جانە رۇقسات قۇجاتتارى جوق تۇرعىن ۇيلەردىڭ پاتەرلەرىن ساتىپ الۋدى قولدامايدى (قۇرىلىسقا رۇقسات, «جوبالاردىڭ مەملەكەتتىك ۆەدومستۆودان تىس ساراپتاماسى» شجق رمك وڭ قورىتىندىسى).
ۇلەسكەرلەردىڭ قاراجاتىن ءتيىستى رۇقساتسىز قابىلداۋعا «تۇرعىن ءۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسىنىڭ زاڭناماسىمەن تىيىم سالىنادى, بۇل رەتتە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 320-بابى, سونداي-اق قازاقستان رەسپۋبليكاسى قىلمىستىق كودەكسىنىڭ 214-بابى بويىنشا كاسىپكەرلىك قىزمەتتىڭ تىيىم سالىنعان تۇرلەرىمەن اينالىسقانى ءۇشىن جازا قاراستىرىلعان. بارلىق سۇراقتار بويىنشا استانا قالاسى, سارىارقا اۋدانى, بەيبىتشىلىك ك-ءسى, 9-ۇيدەگى «استانا قالاسىنىڭ قالالىق ورتا ساپاسى جانە باقىلاۋ باسقارماسى» مەملەكەتتىك مەكەمەسىنە حابارلاسۋىڭىزدى سۇرايمىز. بايلانىس تەلەفوندارى: 8 (7172) – 55-04-28, 55-67-03.
ۇلەسكەرلەردىڭ اقشاسىن تارتۋعا قۇقىعى جوق قۇرىلىس كومپانيالارىنىڭ ءتىزىمىن مىنا جەردەن وقي الاسىزدار:
