«نە شىقسا دا, شىمكەنتتەن شىعادى» دەگەندەي, ەلىمىزدىڭ 17 ميلليونىنشى ازاماتى وڭتۇستىك قازاقستان وبلىسىنىڭ سايرام اۋدانىندا دۇنيەگە كەلدى. ونىڭ قاسىندا ءبىزدىڭ استانا كۇنى قارساڭىندا 269 نارەستەنىڭ ءومىر ەسىگىن اشقانىن الاۋلاتىپ-جالاۋلاتىپ جازىپ جاتقانىمىز جاڭالىق بولماي قالعانداي كورىنەدى ەكەن. ءجا, بۇل – بەرگى جاعى!
«قۋىرداقتىڭ كوكەسىن تۇيە سويعاندا كورەسىڭ» دەگەن ءتامسىلدى دە جوققا شىعارعىسى كەلمەگەندەي, باس ساناقشىمىز ءاليحان سمايىلوۆ كەشە وسى دەموگرافيالىق دەڭگەيىمىزگە اسا كورەگەندىلىكپەن شولۋ جاساپ, ايدى اسپانعا ءبىر-اق شىعاردى. ونىڭ ويىنشا, 2028 جىلى قازاقستان حالقىنىڭ سانى 20 ميلليون ادامنان اسىپ كەتەتىن كورىنەدى. كورىپكەل دەيىن دەسەك, بۇرىن ونداي قاسيەتىن بايقاماعانبىز. سەنسەڭىز دە, سەنبەسەڭىز دە, الەكەڭ جانە ءبۇي دەدى: «ءبىزدىڭ ەل تۇرعىندارىنىڭ سانى جىلىنا 200 مىڭنان استام ادامعا ارتىپ وتىرادى. بەس جىلدان كەيىن قازاقستاندىقتار سانى 18 ميلليون بولادى…». ودان كەيىنگىسى الگى 20 ميلليون عوي. قۇددى, كەلمەسكە كەتكەن كەڭەس كەزەڭىندەگى «100 ساۋلىقتان 120 قوزى الامىن» دەپ وكىمەتكە ۋادە بەرەتىن شوپانداردىڭ ساندىراعى سىندى ءسوز. مىسالى, سونشا جىل بويى بىرىنەن سوڭ ءبىرى بالاعىنان بالا ساۋعالاتقىسى كەلمەيتىن ايەلدەردى زورلاۋىمىز كەرەك پە؟! ماقاش اعام دا جەلكەلەپ قويمايدى, «كوك كورپەنىڭ بۇلكىلىن جيىلەتىڭدەر» دەپ. كورەمىز ەندى… بالكىم, 2028 جىلى تاعى دا «20 ميلليونىنشى ازامات وقو-دا تۋىلىپتى» دەگەن جاعىمدى اقپارات ەستىپ قالاتىن شىعارمىز, ءا؟ نە شىقسا دا, شىمكەنتتەن شىعادى عوي. ايتپاقشى, ءبىزدىڭ ۇيدەگى شۇيكەباس تا سول جاقتان…
ەركەعالي بەيسەنوۆ
