مەنىڭ 70-تەن اسقان جاسىم بار. كوپ جىلداردان بەرى ەكى اياعىمنان باسا الماي, مۇگەدەكتەر ارباسىنا وتىرىپ قالدىم. دارىگەرلەردىڭ قويعان تولىق دياگنوزى: ەكى اياقتىڭ بۋىندارىنىڭ گونارتروزى. رەۆماتويدتىق ارتريت. 4-5 جىلداي رەۆماتويدتىق ارتريتكە قارسى ەم-دوم الىپ ءجۇردىم. 2017 جىلى جاز ايىندا «تراۆماتولوگيا جانە ورتوپەديا» رمك-دا گونارتروزىنا قارسى الدىمەن ءبىر تىزەمە ەندوپروتەزدەۋ جاساتتىم. قۇداي ءساتىن سالىپ, سودان اعاش سياقتى قاتىپ قالعان ەتىمە جان ءبىتىپ, بالداققا سۇيەنىپ, وتا جاسالعان اياعىممەن دەمەپ, ءجۇرىپ-تۇرۋعا جاراپ قالدىم. جاقىندا عانا, 5 جەلتوقساندا ەكىنشى تىزەمە ەندوپروتەزدەۋ جاساتتىم. جاراتقان قولداپ, بۇل وتا دا ءساتتى ءوتتى. قازىر دارىگەرلەردىڭ 1,5 ايلىق باقىلاۋىندا ءجۇرمىن. سەمىپ قالعان اياق باسقارۋعا وڭاي كونە مە؟! ەندى دارىگەرلەردىڭ ايتۋىمەن اياقتارىما كۇشتەپ جان كىرگىزىپ, ءجۇرىپ كەتۋگە تالپىنىپ ءجۇرمىن. بۇگىندە وتە قۋانىشتى كۇيدەمىن. ماعان وتا جاساعان, ءالى دە ەم-دومدارىن كورسەتىپ جۇرگەن «تراۆماتولوگيا جانە ورتوپەديا» رمك-نىڭ اق حالاتتى ابزال جاندارىنا ايتار العىسىم شەكسىز. ولاردىڭ وتباستارىنا باقىت, اكە-شەشەلەرى مەن بالا-شاعالارىنا, تۋعان-تۋىستارىنا ۇزاق ءماندى عۇمىر, ومىرلەرىنە بەرەكە مەن قۋانىش تىلەيمىن. ولار: ورتوپەديا ءبولىمىنىڭ باس دارىگەرى ا.بەلوكابىلوۆ, دارىگەرلەر – ۆ.سەرىكباەۆ, ە.نوۆيك, ا.كونستانتين. اعا مەدبيكەلەر – ا.بايبولوۆا, ب.ۋاقباەۆا, ب.سادۋاقاسوۆا. مەدبيكەلەر – عاليا, گۇلدانا, تولقىن, مارجان. سانيتار قىزدار – ايسۇلۋ, باقىت, نۇرگۇل, الميرا.
ناعيما قامبارقىزى
