«پەدياتريانىڭ 26 سالاسى بار. ءبىر قىزىعى, ەلىمىزدە پەدياتريانى جان-جاقتى تارازىلاپ, تاپتىشتەپ وقىتاتىن فاكۋلتەت جوق. مەديتسينالىق جوعارى وقۋ ورىندارىندا جالپى بازالىق بىلىممەن قاتار, سوڭعى ەكى جىلىندا عانا پەدياتريا سالاسى وقىتىلادى. بۇل دۇرىس ەمەس. بار-جوعى 2 جىلدا پەدياتر مامانى قالىپتاسپايتىنى انىق. بالاعا دياگنوز قويىپ, دەرتىن انىقتاۋ تىپتەن قيىن. ونىڭ ۇستىنە بالانىڭ اعزاسى, ءتىپتى, قان قۇرامى دا وزگەشە بولادى. بيلىك وكىلدەرى گارۆارد ۋنيۆەرسيتەتىندە ونداي فاكۋلتەت جوق دەپ, شەتەلدىك ءبىلىم بەرۋ ورداسىن مىسالعا كەلتىرەدى. بىراق ءبىزدىڭ ءبىلىم بەرۋ جۇيەمىز شەتەلدىك جوو-لارمەن سالىستىرۋعا كەلمەيدى عوي. شەتەلدە دياگنوز قويۋ ءۇشىن ءبىر ەمەس, ءۇش بىردەي قۇرىلعى قولدانىلادى, ال, بىزدەگى جاعداي مۇلدەم باسقاشا»
كامال ورمانتاەۆ, اكادەميك, مەملەكەتتىك سىيلىقتىڭ يەگەرى («ايقىن» گازەتى).
