«اقىلدى قالانىڭ» العىشارتتارى بەس جوبادان تۇرادى. بۇل بەس يننوۆاتسيالىق جوبا دەنساۋلىق ساقتاۋ, ءبىلىم بەرۋ جانە اقپاراتتىق تەحنولوگيالار سالاسىنا تىكەلەي قاتىستى.
«Open Wi-Fi»
العاش بولىپ ىسكە قوسىلعان «Open Wi-Fi» جوباسى – Wi-Fi نۇكتەلەرىن ورناتۋ ارقىلى حالىقتى تەگىن ينتەرنەت جەلىسىمەن قامتۋعا باعىتتالعان. جوبانىڭ ءبىرىنشى كەزەڭى 2011 جىلى سول جاعالاۋدا باستاۋ الدى. ەكىنشى كەزەڭىندە ەلوردانىڭ تاريحي ەسكى بولىگىندەگى قوعامدىق ورىندار قامتىلدى.
ەڭ العاش Wi-Fi نۇكتەسى ەسىلدىڭ سول جاعالاۋىنداعى «نۇرجول» ساياباعىندا قولدانىسقا ەنگەنىن ايتۋ كەرەك. تەگىن ينتەرنەتتىڭ وسىنداي 16 جەلىسى ىسكە قوسىلعاننان كەيىن ونىڭ جىلدامدىعى ەداۋىر ارتىپ, حالىقتىڭ كوڭىلىنەن شىقتى. بۇگىندە جوبا شەڭبەرىندە استانانىڭ كوپتەگەن ورىندارىندا عالامتور ارقىلى اقپارات الماسۋعا مۇمكىندىك جوعارى. ماسەلەن, Wi-Fi نۇكتەلەرى قالالىق تسيركتە, استانالىق ساياباقتا, «قازاقستان» ورتالىق كونتسەرت زالىندا, تاۋەلسىزدىك سارايىندا, بەيبىتشىلىك جانە كەلىسىم سارايىندا, «شابىت» سارايىندا, «استانا-ارەنا» ستاديونىندا, «الاۋ» مۇز ايدىنىندا ءجانە بارلىق ويىن-ساۋىق ورتالىقتارىندا ورناتىلعان. قالا تۇرعىندارى مەن قوناقتارى وسىلايشا كەز كەلگەن ۋاقىتتا ينتەرنەتتى پايدالانا الادى.
2012 جىلى دا اۋقىمدى جۇمىستار اتقارىلدى. قالانىڭ قوعامدىق ورىندارى مەن عيماراتتارىنا Wi-Fi نۇكتەسىنىڭ بارلىعى 296 قۇرىلعىسى ورناتىلدى. سونىمەن بۇل جوبا ءتامامدالىپ, قالانى تەگىن ينتەرنەتپەن قامتاماسىز ەتۋ جۇمىستارى ءساتتى اياقتالدى. ءناتيجەسىندە تاۋلىگىنە 20 مىڭ ادام Wi-Fi نۇكتەسىن تەگىن پايدالانادى ەكەن.
بولاشاقتىڭ مەكتەبى
«بولاشاقتىڭ مەكتەبى – بۇگىن» جوباسى استانا مەكتەپتەرىنە كەشەندى قاۋىپسىزدىك جۇيەسىن ەنگىزۋگە ارنالعان.
وقۋشىلارعا بەرىلەتىن كوپ فۋنكتسيالى ەلەكتروندى كۋالىك مەكتەپكە كەلگەن جانە مەكتەپتەن قايتقان ۋاقىتتا اتا-انالارىنا sms ارقىلى حابار بەرىپ وتىرادى. جوبا بولاشاقتا مەكتەپتەگى تاماقتانۋدى نەمەسە قوعامدىق كولىكتە ءجۇرۋ اقىسىن تولەۋ قىزمەتتەرىن اتقارا الادى. بۇگىندە اتالمىش جوبانىڭ قاناتقاقتى نۇسقاسى №54 مەكتەپ-ليتسەيىنە تاجىريبە رەتىندە ىسكە قوسىلدى. جوبانىڭ ەكىنشى كەزەڭى قالاداعى 10 مەكتەپتە ەنگىزىلەدى. سونىمەن قاتار, «ە-اسحانا», «ە-كىتاپحانا» جانە «بەينەباقىلاۋ» جوبالارى دا ءجۇزەگە اسىپ, جوبا اياسى كەڭەيە بەرمەك.
«ە-جەدەل جاردەم»
«اقىلدى قالانىڭ» اقىلدى قادامى – «ە-جەدەل جاردەم». ول جەدەل مەديتسينالىق جاردەم قىزمەتىنىڭ ساپاسىن ارتتىرۋدى ءدىتتەيدى.
بۇگىندە تۇجىرىمداما اياسىندا 59 جىلجىمالى مەديتسينالىق جەدەل جاردەم بريگاداسى ەلەكتروندى پلانشەتتىك قۇرىلعىلارمەن جاراقتاندىرىلدى. GPS-ناۆيگاتور, IP-تەلەفونيا جانە ەلەكتروندى مەديتسينالىق انىقتامالىق – نەگىزگى ءۇش فۋنكتسيانى اتقارادى. GPS-ناۆيگاتور جەدەل جاردەم بريگاداسىنا قالا كوشەلەرىندەگى كەپتەلىستەن اينالىپ ءوتىپ, ءجۇرۋ ۋاقىتىن قىسقارتۋعا مۇمكىندىك بەرەدى. IP-تەلەفونيا ارقىلى پاتسيەنتپەن تىكەلەي بايلانىسقا شىعۋ مۇمكىندىگى بار. ەلەكتروندى مەديتسينالىق انىقتامالىقتا اۋرۋدىڭ دياگنوستيكاسى, ەمدەۋ تاسىلدەرى مەن ءدارىلىك پرەپاراتتار تۋرالى قاجەتتى اقپاراتتار توپتاستىرىلعان.
ناتيجەسىندە, مەديتسينا قىزمەتكەرلەرىنىڭ جۇمىسى بىرنەشە پايىزعا جەڭىلدەگەن. قوڭىراۋ قابىلداۋ جانە ناۋقاسقا جەتۋ ۋاقىتى ازايىپ, پلانشەت كومەگىمەن كورسەتىلگەن مەكەنجايعا كەدەرگىسىز جەتۋ ەداۋىر جاقسارعان.
الداعى ۋاقىتتا قىزمەت تەتىگىن جەتىلدىرۋ ءۇشىن قىزمەتكەرلەردىڭ ءبىلىم ساپاسىن تەكسەرەتىن ونلاين تەست جۇيەسى مەن قوسىمشا باسقا بريگادالاردى جابدىقتاۋ جۇمىستارى جۇرگىزىلەتىن بولادى.
«3D تەحنولوگيالار ورتالىعى»
ءتورتىنشى جوبا – «3D تەحنولوگيالار ورتالىعى» جوباسى. زاماناۋي 3D تەحنولوگيالاردى وقىتۋ, زەرتتەۋلەر مەن ساراپتاما جاساۋ ورتالىعىنىڭ العا قويعان ماقساتى كوپ.
جوبانىڭ مازمۇنى – ساۋلەت ونەرى, قۇرىلىس, ماشينا جاساۋ, مەديتسينا جانە ت.ب. سالالارداعى جوبالاردى ينتەراكتيۆتى سيمۋلياتسيالاۋ مەن ۆيزۋاليزاتسيالاۋ. ماماندار جوبانىڭ تيىمدىلىگىن جوعارى باعالاپ وتىر. بىرىنشىدەن, وندىرىستىك جانە بيۋدجەتتىك شىعىندار تومەندەيدى. ەكىنشىدەن, ەكونوميكانىڭ باسىم سالالارىندا ەڭبەك ونىمدىلىگىن كوتەرەدى. كەز كەلگەن جوبانى 3D-مودەلدەۋ, 3D-جوبالاۋ جانە 3D-قۇراستىرۋ ارقىلى ناقتى ناتيجەسىن بەرەدى. ءوندىرىستىك كەزەڭنىڭ ۋاقىتشا شىعىندارى مەن قۇنىن قىسقارتۋ ءوز الدىنا ۇزاق اڭگىمە.
بيزنەس-ينكۋباتور
اقىلدى قالانىڭ كەلەسى قادامى – تەحنولوگيالىق بيزنەس-ينكۋباتور, ينۆەستورلارعا قولداۋ كورسەتۋ ورتالىقتارى. بۇل يننوۆاتسيالىق دامۋعا سەرپىن بەرەتىن تىڭ باستاما ەكەنى ءسوزسىز.
بيزنەس-ينكۋباتور جوباسىندا يننوۆاتسيالىق مەنەدجمەنت پەن وتاندىق جانە حالىقارالىق ساراپشىلاردى شاقىرۋ ارقىلى جوبالاردى باسقارۋ نەگىزدەرى جونىندە دوڭگەلەك ۇستەلدەر, ترەنينگتەر جانە دارىستەر وتكىزىلىپ تۇرادى. مۇندا كەلىسسوزدەر جۇرگىزۋ, يدەيالاردى تالقىلاۋ, ونى جۇزەگە اسىرۋ ءۇشىن بارلىق جاعدايلار جاسالعان.
الەمنىڭ كوپتەگەن ەلدەرىندە كاسىپكەرلەرگە قىزمەت كورسەتۋ اقىلى جۇرگىزىلەدى. ماسەلەن, سانكت-پەتەربۋرگتاعى «ينگريا» تەحنوساياباعىندا باعدارلامالاردىڭ باعاسى ايىنا – 500 رۋبل, ال ينكۋباتورلاۋ باعدارلامالارى 1500 ءرۋبلدى قۇرايدى.
باس قالانىڭ ەرەكشەلىگى دە سول, بيزنەس-ينكۋباتور جوباسىنا قاتىسۋ تەگىن. سەمينار, ترەنينگ كەزىندە كاسىپكەرلەرگە تەگىن پيتستسا مەن سۋسىندار ۇسىنىلادى. استانادا كاسىپكەرلىك ورتالىق قۇرۋ باستى ماقسات بولعاندىقتان, اتقارىلعان جۇمىستىڭ ناتيجەسى كوڭىل قۋانتادى.
وسى ۋاقىتقا دەيىن «كاسىپكەرلىك ەكوجۇيە مەن Greenfield جانە Brownfield دەگەنىمىز نە؟», «كاسىپكەرلىك ستراتەگيا جانە قۇندىلىقتاردى قۇرۋ. جوبانىڭ بيزنەس جوسپارى مەن تۇجىرىمداماسىن قالاي جاساۋعا بولادى؟», «پوتەنتسيالدى نارىقتى قالاي باعالاۋعا بولادى؟», «بيزنەستى نەمەسە ديزاينەرلىك مودەلدى قالاي دۇرىس قالىپتاستىرىپ, تاڭداۋعا بولادى؟», «Idea Pitch 90 سەكۋندتا ءوزىڭىزدىڭ يدەياڭىزدى قالاي ايتۋعا بولادى؟», «بيزنەستى ويلاۋ مەن قۇرۋ ستراتەگياسىن قالىپتاستىرۋداعى كوگنەتيۆتى ەرەكشەلىكتەردىڭ اسەرى» جانە تاعى باسقا اۋقىمدى تاقىرىپتاردى قامتىعان سەمينارلار ازاماتتاردىڭ بيزنەس تۋرالى ءتۇسىنىگىن كەڭەيتۋگە ىقپال ەتكەن.
كۇدىكتىنى كىم انىقتايدى؟
«اقىلدى قالا» جوباسىنىڭ نەگىزگى باعىتتارىنىڭ ءبىرى – قوعامدىق قاۋىپسىزدىكتى قامتاماسىز ەتۋ. استانا قالاسىنىڭ ماماندارى كۇدىكتى ازاماتتاردى انىقتاۋ جۇيەسىن ەنگىزۋ جونىنەن يزرايلدىك كومپانيالاردىڭ تاجىريبەسىنە قىزىعۋشىلىق تانىتىپ وتىر. بۇل جۇيە قۇقىق قورعاۋ ورگاندارىنا ىزدەۋدە جۇرگەن نەمەسە ءجۇرىس-تۇرىسى كۇماندى كورىنىپ تۇرعان ازاماتتاردى قوعامدىق كولىكتە بەلگى بەرۋ ارقىلى وڭاي انىقتايدى. قازىرگى تاڭدا اتالمىش كومپانيا-مەن «استانا Innovations» اق اراسىندا تىعىز قارىم-قاتىناس ورناۋدا. ينتەللەكتۋالدى قاۋىپسىزدىك جۇيەسىن ەنگىزۋ ميلليونداعان دوللارعا باعالانۋدا, الايدا, ماماندار ونىڭ ءوزىن-ءوزى اقتايتىنىنا سەنىمدى.
«Sime Technology» كومپانياسىنىڭ بۇل جەتىستىگى ءيزرايلدىڭ وزىندە كوپتەن قولدانىلىپ كەلەدى. وسىدان ون شاقتى جىل بۇرىن يزرايلدە ءجيى ورىن العان تەرروريستىك قيمىل-ارەكەتتەر وسى جوبانىڭ ارقاسىندا تىيىلعان كورىنەدى.
سونداي-اق, استانا اكىمدىگى ءاربىر تۇرعىننىڭ, كولىكتەگى جول اقىسىن, ەمحاناداعى نەمەسە اۋرۋحاناداعى قىزمەت ءتۇرىن تولەۋىنە, ءدارىحانالاردان ءدارى الۋىنا مۇمكىندىك بەرەتىن بىرەگەي الەۋمەتتىك كارتاعا ءوتۋ جونىندە تاعى ءبىر «اقىلدى» شەشىمدى قاراستىرۋدا.
گۇلميرا ايماعانبەت
