استانا قالاسى اكىمى, «استانا ەكسپو–2017» ۇك» اق باسقارما توراعاسى ادىلبەك جاقسىبەكوۆتىڭ توراعالىعىمەن وتكەن اپپاراتتىق ءماجىلىستىڭ قورىتىندىسى بويىنشا كومپانيانىڭ جاڭا ۇيىمداستىرۋ قۇرىلىمى تانىستىرىلدى.
ءا.جاقسىبەكوۆ كومپانيا ۇجىمىنا باسقارما توراعاسىنىڭ جاڭا ورىنباسارى مارلەن جاكەجانوۆتى تانىستىردى. ول زاڭگەرلىك دەپارتامەنت, تاۋەكەل مەنەدجمەنتى جانە كورپوراتيۆتىك باسقارۋ, بۋحگالتەرلىك ەسەپ جانە ەسەپتىلىك, ەكونوميكا جانە بيۋدجەتتىك جوسپارلاۋ دەپارتامەنتىنىڭ جۇمىستارىنا جەتەكشىلىك ەتپەكشى.
ۇيىمنىڭ جاڭا قۇرىلىمىنا سايكەس باسقارما توراعاسىنىڭ ورىنباسارى ۆلاديمير ليۋتوۆتىڭ مىندەتىنە ساۋلەت, قۇرىلىس, قاۋىپسىزدىك, جاڭا تەحنولوگيالار جانە IT ماسەلەلەرى كىرەدى.
ساتىپ الۋلار, نىسانداردى پايدالانۋ جانە وپەراتسيالىق قىزمەتتەرگە باسقارما توراعاسىنىڭ ورىنباسارى الماس جامانبەكوۆ جاۋاپ بەرەدى.
باسقارما توراعاسىنىڭ ورىنباسارى ۆەرا كوباليا كورمەنى جۇرتشىلىق اراسىندا كەڭىنەن تانىتۋ, حالىقارالىق قاتىسۋشىلار مەن تۋريستەردى تارتۋ, كوممەرتسيالاندىرۋ جانە دەمەۋشىلىك, كونتەت جانە كورمەدەن كەيىن نىسانداردى پايدالانۋ ماسەلەلەرىنە جەتەكشىلىك ەتەدى.
الەكساندر سۋۆوروۆ ءوز ەركىمەن باسقارما توراعاسى ورىنباسارىنىڭ قىزمەتىنەن بوساتىلدى.
بىرىكتىرىلگەن بىرقاتار قۇرىلىمدىق بولىمشەلەردى ەسەپتەمەگەندە, ۇلتتىق كومپانيانىڭ دەپارتامەنتتەرى وزگەرىسسىز قالدىرىلدى.
سونداي-اق, اپپاراتتىق ءماجىلىس شەڭبەرىندە كورمەنى جۇرتشىلىق اراسىندا كەڭىنەن تانىتۋ, تىركەۋ قۇجاتتاماسىنا سايكەس دەمەۋشىلەردى تارتۋ, حالىقارالىق قاتىسۋشىلارمەن كەلىسىمشارتتار جاساسۋ, ەلباسىنىڭ تاپسىرماسى اياسىندا كورپوراتيۆتىك قاتىسۋشىلاردى – الەمدىك برەندتەردى, يننوۆاتسيالىق «جاسىل» تەحنولوگيالاردىڭ كوشباسشىلارىن تارتۋ جانە جەرگىلىكتى مازمۇندى قامتاماسىز ەتۋ ماسەلەلەرى تالقىلاندى.
