بۇگىندە استانادا التى جۇزگە تارتا سپورت نىسانى بار. ەندى سولاردىڭ قاتارىنا تاعى ءبىر ءزاۋلىم عيمارات قوسىلادى. بۇل تۋرالى قالالىق
تۋريزم, دەنە تاربيەسى جانە سپورت باسقارماسى باسشىسىنىڭ ورىنباسارى سامات قابدۋلينمەن تىلدەسكەن ەدىك.
– سامات امانگەلدىۇلى, ەلوردادا بوي كوتەرەتىن حوككەي كورتىنىڭ ەرەكشەلىگى جونىندە ايتىپ بەرسەڭىز؟
– بۇل الىپ عيماراتتىڭ تاپسىرىس بەرۋشىسى – «قازاقستان تەمىرجولى» ۇلتتىق كومپانياسى. جالپى, سپورتتىق ويىنداردىڭ ىشىندە حوككەي قىسى ۇزاققا سوزىلاتىن ەلدەرگە ءتان ەكەنى بەلگىلى. سوندىقتان, استانا سياقتى التى اي قىس بولاتىن قالاعا بۇل ناعىز تاپتىرماس سپورت ءتۇرى. «الاۋ» مۇز ايدىنى جۇرتشىلىقتىڭ اياعى ۇزىلمەيتىن مەكەنگە اي-
نالعالى قاشان. حوككەي كورتى دا سپورتسۇيەر قاۋىمنىڭ اسىعا كەلەتىن ورنىنا اينالاتىنىنا سەنىمدىمىن. ونىڭ ۇستىنە, حوككەي كورتىنىڭ ىشىندە جابىق باسسەين دە بولادى دەپ جوسپارلانىپ وتىر. وندا 50 مەترلىك ۇلكەن باسسەين جانە 25 مەترلىك كىشى باسسەين بولادى دەپ كۇتىلۋدە.
– دەمەك, وسى جابىق باسسەيندە الەمدىك دەڭگەيدەگى ءىرى سپورتتىق جارىستاردى وتكىزۋگە بولا ما؟
– بۇل تۋرالى عيمارات سالىنىپ ءبىتكەننەن كەيىن ايتقان ءجون.
– حوككەي كورتى ەلوردانىڭ قاي جەرىندە سالىنىپ جاتىر؟ قۇرىلىسى قاشان اياقتالماق؟
– حوككەي كورتى تۇران داڭعىلىنىڭ بويىندا «استانا-ارەنا» ستاديونىنىڭ جانىندا بوي كوتەرۋدە. جوسپار بويىنشا قۇرىلىسى كەلەسى جىلى اياقتالماق.
قىمبات نۇرعالي