جاقسىكەلدi ابدراحمانوۆ,
قالا تۇرعىنى
– بيىل جازدا ۇلىم 8 جاسقا تولادى. فۋتبول ۇيiرمەسiنە بارعىسى كەلەدi. ال قىزىم 6 جاستا, ول دا سپورتقا, گيمناستيكاعا اپارشى دەپ ءجۇر. جالپى, بالالاردى نەشە جاستان باستاپ قانداي سپورتقا بەرۋگە بولادى؟ وسىنى بiلiپ بەرە الاسىزدار ما؟
بiز وقىرمان ساۋالىنا جاۋاپ بەرۋ ءۇشiن استانا قالاسىنىڭ №8 بالالار مەن جاسوسپiرiمدەردiڭ مامانداندىرىلعان وليمپيادالىق رەزەرۆ دايارلايتىن سپورت مەكتەبiنiڭ ديرەكتورى, قازاقستان سپورتىنىڭ ەڭبەك سiڭiرگەن قايراتكەرi جومارت سابىرجانوۆ مىرزاعا حابارلاستىق.
– بiرiنشiدەن, بالانى قانداي دا بiر سپورتقا بەرمەس بۇرىن ونىڭ قابiلەتiن مۇقيات ايقىنداپ العان دۇرىس بولادى. ايتپەسە, كەي جاعدايلاردا كوبiنەسە بالانىڭ قاي سپورتقا باراتىنىن اتا-اناسى بiرجاقتى شەشiپ جاتادى. بۇل – دۇرىس ەمەس. ماسەلەن, بiزدiڭ مەكتەپتiڭ بiر تۇلەگi بۇگiندە فۋتبولدان قازاقستان جاسوسپiرiمدەر قۇراماسىندا ويناپ ءجۇر, ال كەزiندە ونى اكەسi كاراتەگە باراسىڭ دەپ قيناعان ەدi.
ال, ەندi بالانى نەشە جاستان باستاپ سپورتقا بەرۋ كەرەك دەگەنگە كەلەتiن بولساق, ءوز تاجiريبەمە, سونىمەن قاتار عىلىمي-پەداگوگيكالىق تالاپتاردىڭ جاس مولشەرلiك نورماتيۆتەرiن ەسكەرiپ ايتسام, فۋتبولدى 10 جاستان باستاعان وتە دۇرىس. سونداي-اق, كۇرەس تۇرلەرiنە, باسكەتبول, ۆولەيبول, قول دوبى, حوككەي, سەمسەرلەسۋ, كونكيمەن جۇگiرۋ, قايىقپەن ءجۇزۋ سپورتىنا دا وسى جاستان باستاپ باۋلۋعا بولادى. جەڭiل اتلەتيكانىڭ بارلىق تۇرلەرiنە, ات سپورتىنا, قايىق سپورتىنا 11 جاستان, بوكس پەن ۆەلوسپورتتى 12 جاستان باستاعان, ال اۋىر اتلەتيكاعا 13-14 جاستان كiرiسكەن ءجون سانالادى. ال گيمناستيكا, ءجۇزۋ, مانەرلەپ سىرعاناۋ سپورتتارىنا 6-7 جاستان بارسا دا بولادى.
ەڭ باستىسى, بالانى قابiلەتiنە قاراي قالاعان سپورتىنا باعىتتاي بiلۋ كەرەك. ويتكەنi, سپورت ۇلكەن ەڭبەكقورلىقتى, ەپتiلiك پەن شىدامدىلىقتى تالاپ ەتەدi.
