م. وتەمىسۇلى اتىنداعى وقۋشىلار سارايىندا «Astana Open» WKF كاراتە-دودان حالىقارالىق تۋرنير وتۋدە.
استانا قالاسى ءبىلىم باسقارماسى, تۋريزم جانە سپورت باسقارماسى, ءداستۇرلى كۇرەس ونەرى جانە WKF كاراتە-دو فەدەراتسياسى ۇيىمداستىرعان ءتۋرنيردىڭ ماقساتى دەنە شىنىقتىرۋ جانە سپورتتى دامىتۋ باعدارلاماسى اياسىندا وقۋشىلار اراسىندا كاراتەنىڭ كەڭىنەن ناسيحاتتاۋ, تاجىريبە جيناقتاۋ, ناشاقورلىق پەن جاسوسپىرىمدەر اراسىنداعى قىلمىسپەن كۇرەسۋ, سالاۋاتتى ءومىر سالتىنا تاربيەلەۋ بولىپ تابىلادى.
جارىس جەكە كاتا, جەكە كۋميتە جانە كوماندالىق كۋميتە باعدارلامالارى بويىنشا وتۋدە. باستاپقى جانە نەگىزگى سايىس تۇرلەرىنەن وتەتىن دودادا ەلىمىزدىڭ ءار ايماعىنان, سونىمەن قاتار, رەسەي, وزبەكستان, قىرعىز ەلدەرىنەن 150-دەن استام جاس كاراتەشىلەر كۇش سىناسادى.
نۇرگۇل احانقىزى
