ەلوردا اكىمدىگى 2021 جىلدىڭ 10 قاڭتارىندا وتەتىن سايلاۋعا ارنالعان «بەلسەندى سايلاۋشى» اكتسياسىن باستايدى. شارانىڭ شارتى بويىنشا ونلاين قىزمەتتەر ارقىلى ءوزىنىڭ سايلاۋ ۋچاسكەسىن تەكسەرگەن ءاربىر بەس مىڭىنشى ادام ەستەلىك سىيلىقتارعا يە بولادى.
قاتىسۋ ءۇشىن ءسىز ءوزىڭىزدىڭ سايلاۋ ۋچاسكەڭىزدى ونلاين-قىزمەتتەر ارقىلى تەكسەرۋىڭىز كەرەك. مۇنى 3 جولمەن جاساۋعا بولادى:
1. اكىمدىكتىڭ ۆەب-پورتالى astana.gov.kz ارقىلى (باستى بەتىندەگى «ءوز سايلاۋ ۋچاسكەڭىزدى تابىڭىز» باننەرى);
2. Smart Astana ءموبيلدى قوسىمشاسى ارقىلى («قالالىق قىزمەتتەر» بولىمىندە);
3. @Smartastana_bot تەلەگرام-بوتى ارقىلى («قىزمەتتەر» بولىمىندە).
ءسىز ءوز ۋچاسكەڭىزدى تومەندەگى دەرەكتەردى كورسەتە وتىرىپ تەكسەرە الاسىز:
1) جسن (جەكە سايكەستەندىرۋ ءنومىرى);
2) اتى-ءجونى جانە تۋعان كۇنى;
3) تۇرعىلىقتى جەرى بويىنشا تىركەلگەن مالىمەتى.
ونلاين رەجيمدە سايلاۋ ۋچاسكەسىنىڭ ءنومىرىن, ورتالىقتىڭ مەكەنجايىن جانە اتاۋىن, سونداي-اق كارتادان سايلاۋ ۋچاسكەسى ورتالىعىنىڭ ورنالاسقان جەرى تۋرالى بەلگىنى الۋعا بولادى.
اكتسيا ناتيجەسى 5 قاڭتاردا بەلگىلى بولادى.
