قالالىق ءماسليحاتتىڭ الەۋمەتتىك-مادەني دامۋ ماسەلەلەرى جونىندەگى تۇراقتى كوميسسياسىنىڭ كەزەكتى وتىرىسى ءوتتى. وندا استانا قالاسىنىڭ 2013 جىلعا ارنالعان بيۋدجەتىنىڭ ورىندالۋى تالقىلاندى.
ق.قۇلمۇقانوۆ توراعالىق ەتكەن وتىرىستىڭ كۇن تارتىبىندەگى ماسەلە بويىنشا قالالىق قارجى باسقارماسىنىڭ باسشىسى رۋسلان دوساەۆ بايانداما جاسادى. ونىڭ ايتۋىنشا, وتكەن جىلى قالا بيۋدجەتىنە 323 839,2 ملن تەڭگە تۇسكەن نەمەسە ول جوسپارلى 319 036,3 ملن تەڭگە سوماسىنا, ياعني 101,5 پايىزعا, ناقتىراق ايتساق, 4 802,9 ملن تەڭگەگە ارتىق ورىندالعان.
استانا قالاسى بيۋدجەتىنىڭ 2013 جىلعى شىعىستارى جوسپارداعى 332 406,9 ملن تەڭگەدەن 99,4 پايىزعا ورىندالىپ, 330 516,7 ملن تەڭگەنى قۇرادى.
ەلورداداعى الەۋمەتتىك سالاعا قاتىستى باسقارمالاردا بىلتىرعى بيۋدجەتتىڭ يگەرىلۋىنە توقتالا كەلە, ر.دوساەۆ جالپىلاي العاندا, استانا قالاسى اكىمدىگىمەن 2013 جىلعى جەرگىلىكتى بيۋدجەتتىڭ وزەكتى پارامەترلەرى ورىندالعانىن اتاپ ءوتتى.
ودان ءارى الەۋمەتتىك سالاداعى بيۋدجەتتىك باعدارلامالار اكىمشىلەرى تاراپىنان 2013 جىلعا بيۋجدەتتىڭ ورىندالۋى تۋرالى بايانداعان استانا قالاسى بويىنشا تەكسەرۋ كوميسسياسىنىڭ توراعاسى ع.مولداش اتالمىش باسقارمالار اراسىندا قازاقستان رەسپۋبليكاسىنىڭ بيۋدجەت جانە وزگە دە زاڭنامالارىنىڭ بۇزۋشىلىقتارى ايقىندالعانىن ايتتى. باسقارما باسشىلارى بولسا بيۋدجەتتىك قاراجاتتاردىڭ ۋاقىتىلى يگەرىلمەۋىنىڭ سەبەپتەرىن ءتۇسىندىردى.
قالالىق ءماسليحاتتىڭ تۇراقتى كوميسسياسى استانا قالاسىنىڭ 2013 جىلعا ارنالعان بيۋدجەتىنىڭ ورىندالۋى تۋرالى ەسەپتى نازارعا الۋدى جانە قالالىق ءماسليحاتتىڭ كەزەكتى سەسسياسىنا بەكىتۋگە ەنگىزۋدى ۇسىندى.
گۇلبارشىن وكەشقىزى
