ۇلتتىق اكادەميالىق كىتاپحانادا بيولوگيا عىلىمىنىڭ دوكتورى, پروفەسسور نۇركەن مىرزاحانۇلىنىڭ «عىلىمي, عىلىمي-بۇقارالىق جانە شىعارماشىلىق ەڭبەكتەرىنىڭ» تانىستىرىلىمى ءوتتى.
سوكرات سىيلىعىنىڭ يەگەرى, حالىقارالىق ۆەنا ۋنيۆەرسيتەتىنىڭ قۇرمەتتى پروفەسسورى نۇركەن مىرزاحانۇلى ءوز ەڭبەگىنىڭ ءبىرىنشى تومىن ليمفا جۇيەسىنە ارناسا, ەكىنشى تومىنا «ليمفا اينالىمى» تۋرالى مونوگرافياسىن ەنگىزىپتى. وسى سالاعا قاتىستى مامانداردىڭ ايتۋىنشا, ەڭبەكتىڭ قۇندىلىعى سوندا, ول بۇگىنگى ومىرمەن ۇشتاستىرىلا زەرتتەلگەن. سونداي-اق, جەتى تومعا ەنگەن فيزيولوگيالىق تەرميندەردىڭ ورىسشا-قازاقشا سوزدىگى, اۋىل شارۋاشىلىعى, ۆالەلوگيا, ەكولوگيا تاقىرىپتارى اۆتوردىڭ جان-جاقتى ىزدەنىسىن بايقاتادى.
ال, جەتىنشى تومعا عالىم ءومىر, رۋحانيات تۋرالى تولعانىستارى مەن زامانداستارىنا ارناعان ولەڭدەرىن, ماقالالارىن توپتاستىرىپتى.
ساعي ورال
