حالىقارالىق قارتتار مەرەكەسى قارساڭىندا الماتى اۋدانىندا تۇراتىن زەينەتكەرلەرگە «التىن تاعا» مەيرامحاناسىندا ارنايى مەرەكەلىك داستارقان جايىلىپ, قۇرمەت كورسەتىلدى.
«نۇر وتان» پارتياسى استانا قالالىق فيليالى توراعاسىنىڭ ءبىرىنشى ورىنباسارى, استانا قالاسى ءماسليحاتىنىڭ دەپۋتاتى ساپار احمەتوۆتىڭ قاتىسۋىمەن وتكەن مەرەكەلىك شارا بارىسىندا اۋدان اكىمى ب.ساعىن قۇتتىقتاۋ ءسوز سويلەدى.
– «قارتى باردىڭ – قازىناسى بار». سايالى بايتەرەك, داناگوي تۇلعا قارتتارىمىزدىڭ ءومىرى مەن ەڭبەك جولدارى ءوسىپ كەلە جاتقان وسكەلەڭ ۇرپاققا ۇلگى-ونەگە بولسا, ءبىزدىڭ مىندەتىمىز ۇلكەن الدىندا جاس قارىزى, اتا الدىندا بالا قارىزى – ادەپ پەن سىي ەكەنىن ەشقاشان ەستەن شىعارماي, قارتتارعا قۇرمەت كورسەتۋ, – دەي كەلە, اۋدان باسشىسى بارلىق ەگدە جانداردى مەرەكەمەن قۇتتىقتادى.
وسىنداي يگىلىكتى شارالار قاتارىندا الماتى اۋدانىنىڭ «سەرۋەن», «Porta Fortuna» قوناق ءۇي كەشەنى, «سۇڭقار, «زەيد», «اق بۇلاق», «دانيار», «تويباستار» مەيرامحانالارىندا كورگەندەرى مەن كوڭىلدەرىنە تۇيگەندەرى مول, كوكىرەگى قازىنا 900-دەن اسا ۇوس ارداگەرلەرى مەن تىل ەڭبەككەرلەرىنە جانە ەڭبەك ارداگەرلەرىنە مەرەكەلىك داستارقان جايىلىپ, مەرەكەلىك سىي-سياپاتتار تارتۋ ەتىلگەنىن اتاپ وتۋگە ءتيىسپىز.
سونىمەن قاتار, «استانا تازالىق» جشس, «استانا كوگالداندىرۋ قۇرىلىسى» اق», «استانا سۋ ارناسى» مقكك, «استانا ءونىم» اق, «استانا تازارتۋ» جشس ۇجىمدارى ۇزاق جىل قىزمەت اتقارعان, بۇگىندە قۇرمەتتى دەمالىستا جۇرگەن ارداگەرلەرىن شاقىرىپ, سىي-قۇرمەتكە بولەدى.
