ۇزدىك وقۋشى

دارىندى وقۋشىلار – ەل بولاشاعى, كەلەشەگىمىزدىڭ ءۇمىتى. ءبىلىم باسەكەسىندە بيىكتەن كورىنۋ, ماقساتقا قول جەتكىزۋ – وزات وقۋشىنىڭ ارمانى, ۇستازدىڭ جەتىستىگى. ارمانىنا قانات بايلاعان سونداي ءبىلىمدى وقۋشىنىڭ ءبىرى – باۋىرجان مومىشۇلى اتىنداعى №62 ورتا مەكتەپتىڭ 7-سىنىپ وقۋشىسى ەلدوس باقتىعاليەۆ.

ەلدوس اقتوبە قالاسىندا دۇنيەگە كەلگەن. وتباسىندا 4 بالانىڭ تۇڭعىشى. كىشكەنتايىنان اتا-اجەسىنىڭ تاربيەسىندە قازاقتىڭ رۋحاني قۇندىلىقتارىن بويىنا ءسىڭىرىپ وسكەن.

ەرەكشە قابىلەتىمەن تانىلىپ كەلە جاتقان وقۋشى مۇقاعالي ماقاتاەۆ پەن اباي قۇنانبايۇلىنىڭ شىعارماشىلىعىن ءسۇيىپ وقيدى. بۇگىندە «ونەرلى بالا», «قازاقتىڭ قارا ولەڭى – قۇدىرەتىم», «جامبىل جىرلارى», «باتىر­لار جىرى كىسىلىككە باۋليدى», «پوەزيا الەمى», «پوەزيا, مەنىمەن ەگىز بە ەدىڭ؟!», «ادامزاتتىڭ ابايى», «لەنينگرادتىق ورەنىم», «جامبىل جىرلارى» اتتى وبلىستىق, رەسپۋبليكالىق, حالىقارالىق بايقاۋلاردىڭ جەڭىمپازى.

بوس ۋاقىتىندا ۇلتتىق سپورتپەن اينالىساتىن ەلدوس­تىڭ بۇل سالادا دا جەتىستىگى بار. جەكپە-جەكتەن 2006-2007 جىلى تۋعان جاسوسپىرىمدەر اراسىنداعى اقتوبە وبلىسى چەمپيوناتىنىڭ 3-ورىن يەگەرى.

2021 جىلى جامبىل جاباەۆ­تىڭ 175 جىلدىعىنا وراي ۇيىمداستىرىلعان وبلىستىق «جامبىل جىرلارى» اتتى وبلىستىق مانەرلەپ وقۋ بايقاۋىندا ۇزدىك شىققانى ءۇشىن وبلىس اكىمىنىڭ العىس حاتىمەن ماراپاتتالدى.

«ۇزدىكسىز دامۋ ۇزدىكسىز ەڭبەكتى قاجەت ەتەدى. سوندىقتان وقۋشىنىڭ مۇمكىندىگىن ەسكەرە وتىرىپ, ونى ۇنەمى دامىتۋ قاجەت» دەيدى جاس دارىننىڭ جەتەكشىسى ايدانا سەيتيموۆا.

ەلدوستىڭ جەتىستىكتەرى:

* «Oizerek» قاشىقتان شىعارماشىلىق بايقاۋ وتكىزۋ پورتالى ۇيىمداستىرعان «ونەرلى بالا» اتتى بايقاۋدىڭ II دارەجەلى ديپلوم يەگەرى, 2019 جىل;

* قازاق پوەزياسىنىڭ مۇزبالاعى اتانعان دارا تۇلعا مۇقاعالي ماقاتاەۆتىڭ شىعارماشىلىعىنا ارنالعان «قازاقتىڭ قارا ولەڭى – قۇدىرەتىم» اتتى قالالىق بايقاۋدىڭ III دارەجەلى ديپلوم يەگەرى, 2019 جىل;

* ۇلتتىق سپورت ءتۇرى – جەكپە-جەكتەن 2006-2007 جىلى تۋعان جاسوسپىرىمدەر اراسىنداعى جانە ودان كىشى بالالار اراسىنداعى اقتوبە وبلىسىنىڭ چەمپيوناتىنداعى 29 كگ سالماق دارەجەسىندە 3-ورىن يەلەندى, 2019 جىل;

* وقۋشىلار مەن ستۋدەنتتەرگە ارنالعان «IQ olimpiada-2020» اتتى II رەس­پۋبليكالىق پاندىك وليم­پياداسىنىڭ قازاق ءتىلى بويىنشا II دارەجەلى ديپلوم يەگەرى, 2020 جىل;

* جالپى ءبىلىم بەرەتىن مەكتەپ وقۋشىلارى اراسىندا وتكىزىلگەن وبلىستىق «جامبىل جىرلارى» بايقاۋىنا قاتىسىپ, ءبىلىمى مەن شىعارماشىلىق قابىلەتىن جوعارى دارەجەدە كورسەتە بىلگەنى ءۇشىن I دارەجەلى ديپلوم.

* «باتىرلار جىرى كىسىلىككە باۋليدى» اتتى رەسپۋبليكالىق جىر وقۋ جارىسى ناتيجەسىندە I دارەجەلى ديپلوم, 2020 جىل;

* «Kazrio.kz – جاس وركەن» ءبىلىم مەن قابىلەتتى دامىتۋ ورتالىعى ۇيىمداستىرعان جالپى رەسپۋبليكالىق بايقاۋعا قاتىسىپ, «پوەزيا الەمى» اتتى شىعارماشىلىق بايقاۋدا دارالىعىن كورسەتىپ, ەرەكشە ونەرىمەن ۇزدىك دەپ تانىلىپ, I دارەجەلى ديپلوممەن ماراپاتتالدى, 2020 جىل;

* رەسپۋبليكالىق «پوەزيا, مەنىمەن ەگىز بە ەدىڭ؟!» بالالار مەن جاسوسپىرىمدەر اراسىنداعى ونەر بايقاۋىندا «كوركەم ءسوز» جانرى بويىنشا I دارەجەلى ديپلوم, 2021 جىل;

* «ادامزاتتىڭ ابايى» اتتى حالىقارالىق بايقاۋعا بەلسەنە قاتىسىپ, ۇلى كەمەڭگەر, اقىن, قازاق جازبا ادەبيەتىنىڭ نەگىزىن سالۋشى اباي قۇنانباەۆتىڭ شىعارماشىلىعىنا دەگەن قۇرمەت كورسەتە بىلگەنى «ولەڭ ءسوزدىڭ پاتشاسى – حاكىم اباي» نوميناتسياسى بويىنشا جۇلدەلى I ورىن يەگەرى, 2021 جىل.

مەكتەبىنىڭ عانا ەمەس, ەلوردالىق وقۋشىلاردىڭ ليدەرىنە اينالعان ەلدوسقا تىلەرىمىز – ومىردە دە, بىلىمدە دە قاتارىنىڭ الدى بولسىن دەيمىز.