تايلاندتىڭ «پاتتايا» جاعاجايىندا جاستار اراسىندا ەسكەك ەسۋدەن وتكەن ازيا چەمپيوناتىندا قازاقستاندىق سپورتشىلار تابىستى ونەر كورسەتتى. ەكى بۇرىلمالى اينالىم بويىنشا تيمۋر فوميچەۆ پەن ياروسلاۆ مەلنيكوۆ مارەگە ءبىرىنشى كەلسە, ەلوردالىق سپورتشى مەدينا كونۋرباەۆا ءتورت بۇرىلمالى اينالىم بويىنشا ۇزدىك ۇشتىكتەن كورىندى.
چەمپيون رۋحتى سپورتشىلاردى استانا-1 تەمىرجول ۆوكزالىنان تۋعان-تۋىسقاندارى جانە سپورت سالاسىنىڭ بىرقاتار وكىلى ىستىق ىقىلاسپەن قارسى الدى.
جۇلدەگەر مەدينا كونۋرباەۆا: «ناتيجەنى جاقسارتۋ ءۇشىن جاتتىعۋدى جۇيەلەپ, ەڭبەكپەن ۇشتاي تۇسەمىز. ماقسات – بايراقتى باسەكەلەردە ەلدىڭ نامىسىن لايىقتى قورعاۋ, – دەپ الداعى ماقسات-مۇراتىمەن ءبولىستى.
ازيا چەمپيوناتىنا ۆەتنام, قىتاي, ءۇندىستان, گونكونگ, يران, جاپونيا, وزبەكستان, تايپەي, يندونەزيا, تايلاند, يراك, كورەيا, ساۋد ارابياسى, فيليپپين, سينگاپۋر, شري-لانكا جانە سومالي ەلىنىڭ جاس سپورتشىلارى قاتىستى. ولار التى كۇن بويى جەكەلەي سىندا جانە كوماندالىق توپتا باعىن سىنادى.
قازاقستان قۇراماسى اتىنان 24 سپورتشى باق سىنادى. ولاردىڭ قاتارىندا استانا قالاسىنىڭ سپورتشىلارى تابىستى ونەر كورسەتتى.
