ادام ءومىرىنىڭ قاۋىپسىزدىگىن ءسوز ەتكەندە, ءتارتىپ بۇزۋشىلىقتىڭ ءىرى-ۇساعى, نە اۋىر-جەڭىلى بولمايدى. قوعامدىق ورىنداردا تەمەكi شەگۋ, اراققا تويىپ ماس بولۋ, ايالدامالاردا شەكىلدەۋىك شاعىپ, ونىڭ قابىعىمەن اينالاسىن لاستاۋ, قوقىستى ءتيىستى ەمەس جەرلەرگە لاقتىرۋ, ءتىپتى, داڭعىرلاتىپ مۋزىكا قويىپ, ءتۇن تىنىشتىعىن بۇزۋ دا ءتارتىپ بۇزۋشىلىق بولىپ تابىلادى. قولدانىستاعى زاڭدىلىقتار بويىنشا مۇنداي جايتتار ورىن العاندا ەسكەرتۋ جاسالىپ, ايىپپۇل سالۋ سياقتى اكىمشىلىك جازالار قاراستىرىلعان. دەسە دە, مۇنداي كەلەڭسىز جايتتار كۇندەلىكتى ومىرىمىزدە ءجيى كەزدەسەدى, بىراق, كوبىنە جازاسىز قالىپ وتىرادى. ونىڭ باستى سەبەبى – قاراپايىم ادامداردىڭ زاڭ شەڭبەرىنەن شىعاتىن ورەسكەل قىلىقتارعا كوز جۇمىپ قاراپ, بۇزاقىلىققا وزدەرىنىڭ جول بەرۋىندە جاتىر. وقيعا ورىن العان جاعدايدا دەرەۋ «102» ءنومىرىن تەرىپ, ءتيىستى ورگاندارعا بايانداۋعا ارقايسىمىزدىڭ قاقىمىز بار. قاسىنداعىلارعا كەسىرى ءتيىپ وتىرعان كورگەنسىزدىگىنە ەشكىمنىڭ كەدەرگى بولمايتىنىنا سەزىنگەن ادام وزگەنىڭ قۇقىعىن اياقاستى ەتىپ, تىم ەركىنسىپ كەتەدى. ونىڭ ارتى ورنى تولماس وكىنىشكە قالدىرارى انىق. مۇندايدا تەنتەكتى تىيىپ, بۇزاقىنى جونگە سالاتىن حالىقتىڭ ءوزى, ياعني, ءاربىر ازاماتتىڭ بەلسەندىلىگى. ءتارتىپ بۇزۋشىلىققا مۇلدەم توزبەۋشىلىك – حالىقتىڭ قاۋىپسىز ءومىرى مەن قالىپتى تىرلىگى قامتاماسىز ەتۋدىڭ ناقتى كەپىلى بولىپ تابىلادى.
سول سەبەپتى دە حالىق ساناسىندا «ءتارتىپ بۇزۋشىلىققا نولدىك توزىمدىلىكتى» قالىپتاستىرۋدا بارلىق مۇمكىندىكتەردى قاراستىرۋىمىز كەرەك. ونىڭ نەگىزگى قاعيداتتارىن ەندىرىپ, بۇقارانىڭ قوعام يگىلىكتەرىنە جاناشىرلىعىن وياتا ءبىلۋ قاجەت. جان-جاعىندا بولىپ جاتقان وقيعالارعا نەمقۇرايلى قارامايتىن جاندار كوبەيگەن سايىن ادامداردىڭ وزدەرىنىڭ ءومىرىن قيىنداتاتىن جاعىمسىز جايتتاردىڭ جولىنا تۇساۋ قويىلاتىنى بەلگىلى.
ارينە, قالا تۇرعىندارى مەن ءتارتىپ قورعاۋ ورگاندارىنىڭ وكىلدەرى اراسىندا قولداۋ مەن سەنىم ورنامايىنشا, بۇل شارالاردىڭ ءتيىمسىز بولاتىنى بەلگىلى. بۇل رەتتە ۋچاسكەلىك ينسپەكتورلاردىڭ حالىقپەن جۇمىسىنىڭ ورنى ەرەكشە. مۇنداي سەنىمدى قاتىناس ەلىمىزدىڭ زاڭدىلىقتاردىڭ ساقتالۋىنا دەگەن نىق سەنىمى مەن بارشا قازاقستاندىقتاردىڭ جالپى مادەنيەتىن قالىپتاستىرۋداعى العاشقى بەلەستى باعىندىرۋ بولار ەدى. بۇل قوعامداعى اسا ءىرى قىلمىس پەن كوررۋپتسياعا جول بەرمەيتىن سەنىمدى قالقاندى قالىپتاستىرادى.
ەرلان سارسەنوۆ,
استانا قالاسى پروكۋراتۋراسىنىڭ
1-ءشى باسقارما پروكۋرورى
