استانا قالاسىنىڭ مەملەكەتتىك كىرىستەر دەپارتامەنتىندە «كەدەندىك راسىمدەۋدى وڭتايلاندىرۋ جۇمىستارى» تاقىرىبىندا كەدەندىك قىزمەت سالاسىنداعى كاسىپكەرلەرمەن كەزدەسۋ ءوتتى.
دەپارتامەنت باسشىسى ءا.سقاقوۆ كەزدەسۋدى ۇيىمداستىرۋداعى باستى ماقسات – قوردالانعان كەيبىر ماسەلەلەردى تالقىعا سالىپ, كەدەندىك باقىلاۋ جانە تىركەۋ قىزمەتتەرىنىڭ ساپالى, تالاپقا ساي جۇمىس ىستەۋىن قامتاماسىز ەتۋ, قاعازباستىلىقتى جويۋعا باعىتتالعان ناقتى تەتىكتەردى قالىپتاستىرۋ ءۇشىن ۇسىنىستار ازىرلەۋ ەكەندىگىنە توقتالدى. سونىمەن قاتار, كاسىپكەرلەردىڭ بيزنەستى جۇرگىزۋ ءۇشىن قولايلى جاعدايلار قالىپتاستىرۋعا قاتىستى ۇسىنىستارىنا دا نازار اۋداردى.
بۇگىنگى تاڭدا استانا قالاسى بويىنشا مەملەكەتتىك كىرىستەر دەپارتامەنتى ايماعىندا كەدەندىك وكىلدىكتىڭ 75 كومپانياسى بار. ولارعا 36 ۋاقىتشا ساقتاۋ قويماسى, 4 كەدەندىك قويما, 35 جەكە تاۋارلار ساقتاۋ قويماسى, 4 بوس قويما مەن 6 باج سالىعى سالىنبايتىن دۇكەن جۇمىس ىستەيدى.
ءماجىلىس بارىسىندا كەدەندىك رەسىمدەۋلەر كەزىندە ءونىمنىڭ قاۋىپسىزدىگى جونىندەگى سەرتيفيكاتتى تاپسىرۋ ماسەلەسى قارالدى. دەپارتامەنت قىزمەتكەرلەرىنىڭ ايتۋىنشا, سەرتيفيكاتتاردى بەرۋ ماسەلەسىمەن تەحنيكالىق رەتتەۋ سالاسى بويىنشا قۇزىرلى ورگان وكىلدەرى اينالىسۋى كەرەك. سونىمەن قاتار, ونى تاۋاردى وتكىزۋ كەزىندە كورسەتۋ جاعىن ويلاستىرۋ كەرەك. ۇسىنىستاردىڭ بارلىعى قارجى مينيسترلىگىنىڭ كىرىستەر كوميتەتىنە جولداندى.
كەزدەسۋ سوڭىندا ماجىلىسكە قاتىسۋشىلار بۇگىنگىدەي باسقوسۋلاردى ءجيى ۇيىمداستىرىپ وتىرۋ كەرەكتىگىن ايتتى. ال بيزنەس-قۇرىلىمداردىڭ وكىلدەرىنە كەدەندىك رەسىمدەۋدى وڭتايلاندىرۋ جانە بيزنەستى جۇرگىزۋگە قولايلى جاعدايلار جاساۋ جونىندە بايىپتى ۇسىنىستار جاسالدى.
جۇما عازيەۆ
