كاراتە-دودان جاسوسپىرىمدەر دوداسى
جاقىندا م.وتەمىسۇلى اتىنداعى وقۋشىلار سارايىندا بالالار مەن جاسوسپىرىمدەر اراسىندا كاراتە-دو بويىنشا I رەسپۋبليكالىق چەمپيونات ءوتتى.
سپورتتىق دوداعا استانا جانە الماتى قالالارىنىڭ, بارلىق وبلىستاردىڭ قۇراما كوماندالارى قاتىستى. چەمپيوناتتى ۇيىمداستىرۋشى – استانا قالاسىنىڭ كاراتە-دو WKF جانە ءداستۇرلى كۇرەس ونەرى فەدەراتسياسى. چەمپيوناتقا قازاقستان رەسپۋبليكاسىنىڭ ءمادەنيەت جانە سپورت مينيسترلىگى, قازاقستان رەسپۋبليكاسىنىڭ كاراتە-دو بويىنشا ۇلتتىق فەدەراتسياسى, استانا قالاسىنىڭ تۋريزم, دەنە تاربيەسى جانە سپورت باسقارماسى, استانا قالاسىنىڭ ءىىد ەسىرتكى بيزنەسىمەن كۇرەس باسقارماسى قولداۋ جاسادى.
بالالار مەن جاسوسپىرىمدەر اراسىندا سالاۋاتتى تۇرمىس سالتىن ناسيحاتتاۋدى, ناشاقورلىق پەن بالالار اراسىنداعى قىلمىستىڭ الدىن الۋدى ماقسات تۇتاتىن چەمپيوناتقا قاتىسۋشىلاردىڭ جاسى 10-نان 13-كە دەيىن دەپ بەلگىلەندى. سپورت دوداسىنا ءۇش ءجۇز ءتورت بالا قاتىستى. ەكى كۇنگە سوزىلعان جارىس كەزىندە ولار باستى جۇلدەلەردى جەڭىپ الۋعا بار كۇشتەرىن سالدى جانە دە جالپىكوماندالىق ۇپاي سانى بويىنشا ءوز ۇجىمدارىن العا شىعارۋعا تىرىستى. وسىلايشا چەمپيوناتتا بايقوڭىر قالاسىنىڭ كومانداسى جەڭىسكە جەتتى. ەلوردانىڭ قۇراماسى ەكىنشى ورىندى, ال وڭتۇستىك قازاقستان وبلىسى ءۇشىنشى ورىندى مىسە تۇتتى.
لاۋلا اسقار,
قازاقستان جۋرناليستەر وداعىنىڭ مۇشەسى