كەدەن ءىسى ماماندارىن دايارلايمىز
ۇلت كوشباسشىسى قازاقستان رەسپۋبليكاسىنىڭ پرەزيدەنتى ءوزىنىڭ «الەۋمەتتىك-ەكونوميكالىق مودەرنيزاتسيا – قازاقستان دامۋىنىڭ باستى باعىتى» قازاقستان حالقىنا جولداۋىندا ءبىلىم بەرۋدەگى نەگىزگى ماقسات رەتىندە «… ءبىلىم الۋ جاستار ءۇشىن تەك ءبىلىم مازمۇنىن يگەرۋ ەمەس, ونى الەۋمەتتىك اداپتاتسيا (بەيىمدەلۋ) ۇدەرىسىنە پايدالانا الاتىن ىسكەرلىك بەرۋى قاجەت» دەپ اتاپ كەتتى.
قويىلعان ماقساتتاردى جۇزەگە اسىرۋدا كەدەن ورگاندارىنىڭ كاسىبي شىڭدالعان, جۇمىسقا قىزىعۋشىلىعى باسىم قىزمەتكەرلەر دايىنداۋ, جاڭا, ۇنەمى دامىپ وتىراتىن كەدەندىك ايماقتا بەيىمدەلۋگە قابىلەتتى ماماندار دايىنداۋ ۇلكەن ماڭىزعا يە.
قارجى پوليتسياسى اكادەمياسى (بۇدان ارى – اكادەميا) ءبىلىم بەرۋ قىزمەتى نارىعىندا ەرەكشە ورىن الادى. مۇندا 1999 جىلدان قازاقستان رەسپۋبليكاسى كەدەن ورگاندارى ءۇشىن تىڭداۋشىلار دايىنداۋ جۇزەگە اسىرىلادى. اكادەميادا كەدەندىك وداق شەكاراسى ارقىلى تاسىمالداناتىن ترانسپورت قۇرالدارى مەن تاۋارلاردى كەدەندىك باقىلاۋدان وتكىزۋ, شەكارا اياسىنداعى قىلمىس پەن قۇقىقبۇزۋشىلىققا قارسى كۇرەستى ۇيىمداستىرۋ جۇمىستارىن جۇرگىزە الاتىن كەدەن ءىسى وفيتسەرلەرىن دايىندايدى.
ەكونوميكالىق قاۋىپسىزدىك جانە قازاقستاننىڭ ەكونوميكالىق مۇددەسىن قورعاۋ قىزمەتىندە بولاتىن بولاشاق كەدەن ءىسى قىزمەتكەرلەرىنىڭ كاسىبي داعدىسى مەن ىسكەرلىگى, ءتاجىريبەلىك باعىتىن قالىپتاستىرۋعا اكادەميانىڭ وقۋ ۇدەرىسىندە قولدانىلاتىن جاڭا تەحنولوگيالار كەڭىنەن پايدالانىلادى.
مامان دايارلاۋ جۇمىسىندا ماڭىزدى باعىتتاردىڭ ءبىرى بولىپ تىڭداۋشىلاردىڭ عىلىمي ىزدەنىس جۇمىسى بولىپ تابىلادى. تومەنگى كۋرس تىڭداۋشىلارىنىڭ بويىندا عىلىمي ىزدەنىس جۇمىسىنا قىزىعۋشىلىعىن وياتۋ, ۇلتتىق كەدەندىك زاڭناما جانە كەدەندىك وداق زاڭناماسىن وقۋ, تانىستىرۋ, ىزدەندىرۋ ءۇشىن 1-2 كۋرس «كەدەن ءىسى» ماماندىعىنىڭ تىڭداۋشىلارى قامتىلعان «قازاقستان رەسپۋبليكاسى كەدەندىك زاڭناماسىنىڭ وزەكتى اسپەكتىلەرى» اتتى عىلىمي ۇيىرمە جۇمىسى ۇيىمداستىرىلعان. ال, 3-4 كۋرس تىڭداۋشىلارى «كەدەندىك اكىمشىلىك جۇرگىزۋ قۇقىعىن قولدانۋدىڭ وزەكتى ماسەلەلەرى» عىلىمي ۇيىرمەسىنىڭ وتىرىسىندا تالقىلاناتىن سۇراقتار بويىنشا ءوز پىكىرلەرىن ورتاعا سالىپ, كاسىبي تۇرعىدان كوپشىلىك الدىندا سويلەۋ مادەنيەتى تاجىريبەسىنىڭ قۇندى داعدىلارىن جيناقتاي الادى.
جىل سايىن اكادەميادا كەدەن ءىسى ماماندىعىنىڭ تىڭداۋشىلارى قاتىسۋىمەن عىلىمي-تەوريالىق كونفەرەنتسيالار, دوڭگەلەك ۇستەلدەر ءوتىپ تۇرادى. 2012 جىلدىڭ 13 ساۋىرىندە اكادەميادا جوعارى وقۋ ورىندارى ارالىق «كەدەندىك اكىمشىلىك جۇرگىزۋدىڭ: بارىسى, ماسەلەلەرى جانە پەرسپەكتيۆتى جەتىلدىرۋلەرى» اتتى عىلىمي-تەوريالىق كونفەرەنتسياسىن اكادەميانىڭ كەدەن ءىسى كافەدراسى ۇيىمداستىرىپ وتكىزدى. كونفەرەنتسيا جۇمىسىنا قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى اكادەمياسىنىڭ تىڭداۋشىلارى, الماتىداعى قر ىشكى ىستەر مينيسترلىگى اكادەمياسىنىڭ تىڭداۋشىلارى, ەۋرازيا گۋمانيتارلىق ينستيتۋتىنىڭ ستۋدەنتتەرى, د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ ستۋدەنتتەرى, قازاق گۋمانيتارلىق زاڭ ۋنيۆەرسيتەتىنىڭ, قازاق ەكونوميكا, قارجى جانە حالىقارالىق ساۋدا ۋنيۆەرسيتەتتەرىنىڭ ستۋدەنتتەرى اتسالىستى.
كەدەن ءىسى كافەدراسىنىڭ پروفەسسورلىق-وقىتۋشىلىق قۇرامى تىڭداۋشىلاردىڭ پاتريوتتىق تاربيەسىنە, وتانعا قۇرمەت, ءوزىنىڭ بولاشاق ماماندىعى جۇكتەگەن جاۋاپكەرشىلىك تاربيەسىنە ۇلكەن كوڭىل اۋدارادى. مەملەكەتتىك, ورىس, اعىلشىن تىلدەرىنىڭ تىڭداۋشىلار اراسىنداعى بىلگىرىن انىقتاۋ بويىنشا اكادەميادا جىلدا ءداستۇرلى تۇردە «كەدەن ءىسى» ماماندىعىنىڭ 1-3 كۋرس تىڭداۋشىلارى اراسىندا بايقاۋ وتكىزىلدى.
ا.ابديروۆا,
كەدەن ءىسى كافەدراسىنىڭ اعا وقىتۋشىسى, قارجى پوليتسياسىنىڭ اعا لەيتەنانتى
م.كاسىموۆا,
كەدەن ءىسى كافەدراسىنىڭ اعا وقىتۋشىسى, قارجى پوليتسياسىنىڭ كاپيتانى