قۇقىقتىق ستاتيستيكا جانە ارنايى ەسەپكە الۋ ورگاندارىنىڭ قازاقستان زاڭدارىنىڭ تالاپتارىن بۇزۋ دەرەكتەرى انىقتالعان جاعدايدا شارۋاشىلىق جۇرگىزۋشى سۋبەكتىلەر قىزمەتىن تەكسەرۋدى تاعايىنداۋ تۋرالى اكتىلەردى تىركەۋدەن باس تارتۋى كاسىپكەرلەردىڭ كونستيتۋتسيالىق قۇقىلارى مەن ەركىندىكتەرىن قورعاۋدىڭ پارمەندى شاراسىنا اينالدى. مۇنىڭ ءوزى جەكە كاسىپكەرلەردىڭ قۇقىعىنا نۇقسان كەلتىرۋ ارەكەتتەرىنىڭ الدىن الىپ, زاڭدىلىقتىڭ ساقتالۋىنا, سىبايلاس جەمقورلىققا قارسى كۇرەستىڭ تيىمدىلىگىن ارتتىرۋعا كومەكتەسەتىنى ءسوزسىز.
تەكسەرىستەردىڭ اشىقتىعىن قامتاماسىز ەتىپ, كاسىپكەرلىك سۋبەكتىلەرىنىڭ قۇقىن قورعاۋعا, پروكۋرورلىق باقىلاۋدىڭ تيىمدىلىگىن ارتتىرىپ, شارۋاشىلىق جۇرگىزۋ ىسىنە ءجونسىز ارالاسۋدىڭ جولىن كەسۋگە باعىتتالعان وڭعابىل شارالاردىڭ ءبىرى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەت قولعا العان «بيزنەس تىرەگى» جوباسى بولىپ تابىلادى.
بۇل ءۇشىن قر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ سايتىنا (http:// service. رravstat.kz) ورنالاستىرىلعان اقپاراتتىق قىزمەتتىڭ «بيزنەس تىرەگى» تاراۋىنداعى ءتيىستى جولاققا تەكسەرۋدى تاعايىنداۋ تۋرالى اكتىنىڭ 14 تاڭبالى تىركەۋ ءنومىرىن ەنگىزىپ, سول ارقىلى اكتىنى تىركەۋدىڭ شىنايىلىعىن, ورگاننىڭ اتاۋىن, تەكسەرىستىڭ ارقاۋى مەن كەزەڭىن, سونداي-اق, تەكسەرۋشى تۇلعانىڭ دەرەكتەرىن انىقتاۋعا بولادى.
بۇعان قوسا, كاسىپكەر وسى جەردە ءوزىن تەكسەرۋگە كەلگەن ورگاننىڭ تەكسەرۋ پاراقشاسىمەن جانە تەكسەرىستى جۇرگىزۋدىڭ ءتارتىبى, تەكسەرەتىن دە, تەكسەرىلەتىن دە تاراپتاردىڭ قۇقىلارى مەن مىندەتتەرى جازىلعان جادنامامەن تانىسا الادى.
تەكسەرىس تۋرالى تاپ وسىنداي اقپاراتتى «1012» قىسقا نومىرىنە SMS ارقىلى تىركەۋ ءنومىرىن جولداپ نەمەسە قر بپ Call-ورتالىعىنا تەلەفون شالىپ (رەسپۋبليكا بويىنشا بىرەگەي 115 ءنومىرى), شۇعىل تۇردە الۋعا بولادى.
جوبانىڭ ماڭىزدى مىندەتى كاسىپكەرگە تەكسەرۋشىلەردىڭ تەكسەرىس بارىسىندا قۇقىق بۇزۋشىلىققا جول بەرگەندىگىن حابارلاۋعا مۇمكىندىك بەرۋ بولىپ سانالادى.
مۇنداي قۇقىق بۇزۋشىلىق دەرەگىنە اۋماقتىق پروكۋراتۋرا جانىنان قۇرىلعان «ۇتقىر توپتار» دەرەۋ كوڭىل اۋدارادى دا, شۇعىل تۇردە وقيعا ورنىنا بارىپ, كاسىپكەر قۇقىنا اراشا تۇسەدى.
ۇتقىر توپتار باس پروكۋروردىڭ نۇسقاۋى بويىنشا قۇرىلعان, ولاردىڭ قۇرامىنا اۋماقتىق پروكۋراتۋرانىڭ, اتالعان كوميتەت باسقارمالارىنىڭ قىزمەتكەرلەرى, كاسىپكەرلەردىڭ قوعامدىق بىرلەستىكتەرى مەن وڭىرلىك بۇقارالىق اقپارات قۇرالدارىنىڭ وكىلدەرى كىرەدى.
كاسىپكەرلەر پروكۋرورلارعا شاعىمدانۋدان تايساقتاماۋعا ءتيىس, ويتكەنى, ۇتقىر توپتار قانداي جاعدايدا دا جاردەم سۇراعان كاسىپكەرلەردىڭ ەركىنە قارسى ارەكەت جاسامايدى.
قۇقىق بۇزۋشىلىقتى ۋاقىتىلى انىقتاپ, جولىن كەسۋ ماقساتىندا اتالعان كوميتەتتىڭ استانا قالاسى بويىنشا باسقارماسى تەكسەرۋ تاعايىنداۋ تۋرالى اكتىلەردى تىركەۋدى ارناۋلى قۇقىقتىق-نورماتيۆتىك اكتىلەرگە سايكەستى تۇردە جۇرگىزىپ كەلەدى. سوندىقتان دا, كاسىپكەرلەردىڭ قۇقىلارى مەن ەركىندىگىن قورعاۋ جونىندە پروكۋراتۋرا ورگاندارى جۇرگىزىپ كەلە جاتقان سىندارلى جۇمىستار اۋقىمى وسى سالاداعى ءتارتىپ بۇزۋشىلىق دەڭگەيىن ەداۋىر تومەندەتۋگە تىكەلەي اسەرىن تيگىزۋدە دەپ ايتۋعا تولىق نەگىز بار.
ەرلان ەسكەنوۆ,
قر بپ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ استانا قالاسى بويىنشا باسقارماسى ءبولىمىنىڭ اعا پروكۋرورى
