لاريسا كراسنيكوۆا, استانا قالاسى ءىىد ءاپب ەرەكشە تاپسىرمالار جونىندەگى اعا ينسپەكتورى: «كىرمە» كولىك تىركەلمەسە, ايىپپۇل ىلەدى
– كەشە ەلوردادا باسقا ايماقتاردان كەلىپ, تىركەۋسىز جۇرگەن كولىكتەردى انىقتاۋ ماقساتىندا ارنايى رەيد جۇرگىزىلگەنى بەلگىلى. مۇنداي شارا العاش رەت ۇيىمداستىرىلىپ وتىر ما؟
– جول قوزعالىسى ەرەجەلەرى مەن كولىكتەردى مەملەكەتتىك تىركەۋ جونىندەگى ەرەجە بويىنشا, بەلگىلى ءبىر اۋماققا ەكى ايدان استام ۋاقىتقا تۇراقتاۋعا بارعان كەز كەلگەن ازامات ءوزىنىڭ كولىگىن جەرگىلىكتى جول پوليتسياسى باسقارماسىنا ۋاقىتشا تىركەۋگە قويۋعا مىندەتتى. وسى تالاپتىڭ قانشالىقتى ورىندالىپ جاتقانىن انىقتاۋ ماقساتىندا ءبىز العاش رەت رەيد جۇرگىزدىك.
– بۇگىندە استانا قالاسىندا وزگە ايماقتاردان كەلىپ, ۋاقىتشا تىركەۋگە تۇرعان قانشا كولىك بار؟
– سوڭعى كورسەتكىشتەر بويىنشا, استانا قالاسى ءىىد جپب تىركەۋىندە جالپى سانى 283,5 مىڭ كولىك قۇرالى بار ەكەن. سولاردىڭ 2 مىڭى عانا ۋاقىتشا تىركەۋگە قويىلعان.
الايدا, سوڭعى كۇندەردە جۇرگىزىلگەن رەيد بارىسىندا قالادا وزگە ايماقتاردان كەلىپ الىپ جايباراقات جۇرگەن كولىكتەردىڭ سانى اناعۇرلىم كوپ ەكەنىنە كوزىمىز جەتتى. زاڭ مەن ەرەجە تالاپتارىنا سايكەس, ونداي كولىكتەردىڭ جۇرۋىنە رۇقسات ەتىلمەۋى ءتيىس. بىراق, كوپشىلىك كولىك يەلەرى اتالمىش تالاپتاردى بىلمەيتىندەرىن ايتىپ جاتتى.
– جالپى, وسى جۇمىستار بارىسىندا قانشا تارتىپبۇزۋشىلىق تىركەلدى؟ تىركەۋسىز جۇرگەن كولىك يەلەرىنە قانداي شارا قولدانىلدى؟
– ءىىد جپب قىزمەتكەرلەرىنىڭ رەيد بارىسىندا اكىمشىلىك قۇقىقبۇزۋشىلىق تۋرالى كودەكستىڭ 461 بابىنىڭ 2 تارماعىنا سايكەس, 70 كولىك جۇرگىزۋشىگە ءتيىستى شارا قولدانىلدى. زاڭ بويىنشا, تارتىپكە ساي تىركەۋگە تۇرماي, كولىك جۇرگىزگەن ازاماتتارعا 10 ايلىق ەسەپتىك كورسەتكىش, ياعني 18 520 تەڭگە كولەمىندە ايىپپۇل سالىنۋعا ءتيىس. سوعان سايكەس, انىقتالعان ءتارتىپ بۇزۋشىلارعا جالپى سوماسى 1 ميلليون تەڭگەدەن استام ايىپپۇل سالىندى.
ءنازيرا سايلاۋقىزى
