استانا قالاسىنىڭ كوممۋنالدىق شارۋاشىلىق باسقارماسى تۇتىنۋشىلار قۇقىعىن قورعاۋ دەپارتامەنتىمەن بىرلەسىپ, ماسالار كوبەيەتىن جەرلەر – شاعىن سۋ قويمالارى مەن وزەن-كولدەردى, سۋ جايىلىمدارىن باقىلاۋعا الدى.
سول ارقىلى «ستوليچنايا دەزينفەكتسيا» مەكەمەسى سارىارقا اۋدانىندا جالپى اۋدانى – 160,5 گەكتار, ءوندىرىس كەنتىندە جالپى
اۋدانى – 143,2 گەكتار, ەسىل اۋدانىندا جالپى اۋدانى – 288,7 گەكتار, الماتى اۋدانىندا 120,7 گەكتار شاعىن سۋ قويمالارى مەن باتپاقتى جەرلەرگە ماساعا قارسى ارناۋلى ەرىتىندىلەر شاشىلدى.
اتالعان ايماقتاردا قامىستىڭ قالىڭ ءوسۋى جۇمىس بارىسىن ءبىرشاما قيىنداتىپ, ارناۋلى تەحنيكالىق قۇرالدار مەن التى تەرموگەنەراتور قولدانىلدى.
بەلگىلەنگەن جۇمىس كەستەسىنە سايكەس بۇگىنگى تاڭدا ەسىل اۋدانىندا 1209,2 گەكتار جەرگە ەرىتىندى سەبىلدى. الداعى ۋاقىتتا قالعان ەكى اۋداندا جۇمىس ودان ءارى جالعاسپاقشى.
قازىر جۇمىسقا 60 ادام تارتىلىپ, بارەرلەردە تۇراقتى تۇردە كەزەكشىلىك ەتۋدە.
