كەشە ەلوردادا بەسىنشى شاقىرىلىمداعى استانا قالاسى ءماسليحاتىنىڭ كەزەكتەن تىس 51-ءشى سەسسياسى ءوتتى. كۇن تارتىبىنە ەلوردا اكىمىن تاعايىنداۋ ماسەلەسى شىعارىلدى دەپ حابارلادى قالا اكىمىنىڭ ءباسپاسوز قىزمەتى.
سەسسيا بارىسىندا حالىق قالاۋلىلارى مەملەكەت باسشىسىنىڭ استانا قالاسىنىڭ اكىمى قىزمەتىنە ادىلبەك جاقسىبەكوۆتى تاعايىنداۋ تۋرالى ۇسىنىسىن ءبىراۋىزدان قولدادى.
– ەڭ الدىمەن, كورسەتىلگەن سەنىم ءۇشىن العىس ايتقىم كەلەدى. سونداي-اق, مەملەكەت باسشىسىنىڭ سايلاۋداعى جەڭىسىمەن بارلىقتارىڭىزدى قۇتتىقتايمىن. الدا ۇلكەن جۇمىستار كۇتىپ تۇر. وزدەرىڭىز بىلەتىندەي, پرەزيدەنت بەس ينستيتۋتسيونالدى رەفورمانى جاريالادى. ولاردى جۇزەگە اسىرۋ ءۇشىن بارلىعىمىز بىردەي جۇمىلۋىمىز قاجەت. ەلوردانىڭ كورىكتى كەلبەتىن ودان ءارى قالىپتاستىرىپ, ەلباسىنىڭ باعدارلامالارىن ىسكە اسىرۋىمىز كەرەك, – دەدى قالا اكىمى.
