مەدبيكەلەر مەرەيىن ءوسىردى
12 مامىر – حالىقارالىق مەدبيكەلەر كۇنى. وسى كۇندى ەلوردا بەس جىل قاتارىنان اتاپ ءوتىپ كەلەدى. سەيسەنبى كۇنى №1 قالالىق اۋرۋحانادا سالتاناتتى شارا ءوتىپ, مەديتسينالىق قىزمەتكەرلەردى قالالىق دەنساۋلىق ساقتاۋ باسقارماسىنىڭ باسشىسى ايگۇل سەگىزباەۆا قۇتتىقتادى.
سالتاناتتى جيىندى اشقان باسقارما باسشىسى ەلوردا مەديتسيناسىنىڭ ساپالى دەڭگەيگە جەتۋىنە مەدبيكەلەردىڭ ەڭبەگى ۇلكەن ەكەنىن اتاپ ءوتتى.
– دەنساۋلىق ساقتاۋ جۇيەسىندە پروفيلاكتيكالىق جۇمىستارعا ەرەكشە كوڭىل بولىنەتىنى بەلگىلى. بۇل شارۋالاردىڭ باسى-قاسىندا كوبەنى مەدبيكەلەر جۇرەدى. سوندىقتان بۇل ماماندىق يەلەرىنە ارتىلىپ وتىرعان جاۋاپكەرشىلىك ۇلكەن. قازىرگى زامانعى مەدبيكە بىلىكتى ءارى يننوۆاتسيالىق تەحنولوگيالاردى مەڭگەرگەن بولۋى كەرەك. بۇرىنعىداي ول دارىگەردىڭ كومەكشىسى عانا ەمەس, سىرقاتتىڭ دەنساۋلىعىنا بايلانىستى ءوز بەتىمەن شەشىم شىعارا الاتىن دەڭگەيگە جەتۋى قاجەت. بۇگىنگى مەديتسينا سالاسى سونى تالاپ ەتىپ وتىر. سوندىقتان مەدبيكەلەر زامانا كوشىنەن قالماي, ۇنەمى ءبىلىمىن جەتىلدىرىپ وتىرۋى ءتيىس, – دەدى ايگۇل كيمقىزى.
بۇدان كەيىن باسقارما باسشىسى ەلوردادا ەڭبەك ەتىپ جاتقان 100-دەن اسا مەديتسينالىق قىزمەتكەردى قۇتتىقتاپ, العىسحاتتار تابىس ەتتى.
جىل سايىن استانادا ۇزدىك مەدبيكەنى انىقتاۋعا ارنالعان كونكۋرس وتەدى. بيىلعى سايىسقا 37 مەديتسينالىق ءۇيىمنىى ارقايسىسىنان ءۇش مەديبكەدەن ۇسىنىلىپتى. ولاردىڭ ىشىندە لايىقتىلارى ۇزدىك دەپ تانىلدى.
ماراپاتتاۋ راسىمىنەن كەيىن مەدبيكەلەردىڭ قۇرمەتىنە مەرەكەلىك كونتسەرت ۇيىمداستىرىلدى. ارىپتەستەر ءبىر-بىرىمەن تاجىريبە الماسىپ, وي-پىكىرىمەن ءبولىستى.
قىمبات توقتامۇرات