جاڭالىقتار

مەرەيى وسكەن مەكتەپ

 جۋىردا استانا قالاسىنداعى №24 ورتا مەكتەپ ءوزىنىڭ 40 جىلدىق مەرەيتويىن اتاپ ءوتتى. العاشقىدا تازا ورىس مەكتەبى بولىپ اشىلعان بۇل ءبىلىم وشاعى, بۇگىنگى تاڭدا ارالاس مەكتەپ مارتەبەسىنە يە بولىپ وتىر.

بۇگىنگى تاڭدا  ءبىلىم الاتىن ورەندەردىڭ دە, سىنىپتاردىڭ دا سانى ءوستى. مەكتەپ عيماراتى دا ادام تانىماستاي وزگەردى. وسىدان بىرنەشە جىل بۇرىن تولىق كۇردەلى جوندەۋدەن وتكىزىلىپ, قازىر ءسان-ساۋلەتى الىستان كوز تارتادى. ال, ءبىلىم وشاعىنىڭ اينالاسىنداعى بوس جەرلەردە قازىر ءتۇرلى سپورتتىق ويىن الاڭدارى ورىن تەپكەن. قىسقاسى,  №24 ورتا مەكتەپ ءتول مەرەيتويىن زور ابىرويمەن قارسى الدى.

اتالمىش مەكتەپتىڭ وتكەن تاريحىنا ۇڭىلسەك, وقۋ وشاعىنىڭ باسشىلىعىندا ەڭبەك ەتكەن ازاماتتار ءبىلىم سالاسىنىڭ دا­مۋىنا ايتارلىقتاي ءوز ۇلەستەرىن قوستى. ونىڭ كوشباسىندا العاشقى مەكتەپ ديرەكتورى ۆالەنتينا زوتوۆا تۇرسا, بۇدان كەيىنگى كەزەڭدەردە تىزگىندى العان ۆلاديمير سۋسلوۆ پەن الەكسەي ترۋفانوۆ سەكىلدى ازاماتتار مەكتەپ تىرشىلىگىنىڭ ءورىسىن كەڭەيتتى. سونداي-اق, تاۋەلسىزدىك جىلدارىندا باسشىلىققا كەلگەن قازبەك ءابدىراسيلوۆ ءبىلىم وشاعىنىڭ ۇلتتىق ءارىن كەلتىرسە, مەكتەپتىڭ قازىرگى باسشىسى عابيت سۇندەتوۆ قىرىق جىلدىق تاريحى بار قارا شاڭىراقتىڭ مەرەيىن ءوسىرىپ كەلەدى.

مەكتەپتىڭ مەرەيتويىنا ارنالعان مە­­رە­كەلىك شاراعا استانا قالالىق ءبىلىم باس­قارماسىنىڭ باستىعى ءاسيما بيمەندينا باستاعان بىرقاتار لاۋازىمدى تۇلعالار قاتىسىپ, وزدەرىنىڭ جۇرەكجاردى لەبىزدەرىن ءبىلدىردى. سونداي-اق, ۇستازدار مەن ونەرپاز وقۋشىلار ۇيىمداستىرعان كونتسەرتتىك باعدارلاما دا كوپشىلىكتىڭ كوڭىلىن تەربەتتى. وسى ورايدا, ءبىلىم وشاعىندا قانداي شارا ۇيىمداستىرىلسا دا قول ۇشىن بەرۋگە ءاردايىم دايىن تۇراتىن استانا قالاسىنىڭ حالىقارالىق اۋەجايى مەن «جاسىل ايماق» مەكەمەسى باسشىلىعىنىڭ ىقىلاستى پەيىلىن ەرەكشە اتاپ وتكەن ءجون. اسىرەسە, استانا قالا­لىق ءبىلىم باسقارماسىنىڭ شەتكەرى ايماقتا ورنالاسقان ءبىزدىڭ مەكتەپكە دەگەن قامقورلىعى ايرىقشا. سوڭعى ءۇش-ءتورت جىلدىڭ كولەمىندە ەسكى مەكتەپتىڭ ەلوردالىق تالاپقا ساي ساۋلەتتەنۋى سول قامقورلىقتىڭ ارقاسى دەپ بىلەمىز.

گۇلدەراي مايقانوۆا, №24 ورتا مەكتەپ ديرەكتورىنىڭ تاربيە ءىسى جونىندەگى ورىنباسارى
فاتيما قۇرماناليەۆا, باستاۋىش سىنىپ مۇعالىمى

تاعىدا

ۇقساس جاڭالىقتار

پىكىر ۇستەۋ

Back to top button