جاڭالىقتارقالا تىرشىلىگى
مۇگەدەكتەر تۇراعىنا تۇرعىزبايدى
ەلوردادا مۇگەدەكتەرگە ارنالعان تۇراقتارعا كولىك قويۋ ەرەجەلەرىن بۇزۋ جاعدايلارىن انىقتاۋعا باعىتتالعان رەيد ۇيىمداستىرىلدى.
اتالمىش رەيدتى وتكىزۋگە مۇگەدەك جۇرگىزۋشىلەردەن استانا قالاسىنىڭ ءىىد جانە قالا اكىمىنىڭ سايتىنا كەلىپ تۇسكەن وتىنىشتەر نەگىز بولدى. رەيد وتكەن ەكى كۇننىڭ ىشىندە مۇگەدەكتەرگە ارنالعان ورىندارعا كولىك قويۋ نەمەسە توقتاۋ ەرەجەلەرىن بۇزعانى ءۇشىن 20-دان استام اكىمشىلىك حاتتاما تولتىرىلدى, 6 مەملەكەتتىك ءنومىر بەلگىسى تاركىلەندى. ءتارتىپ بۇزۋشىلارعا 50 اەك مولشەرىندە ايىپپۇل سالىنىپ, اكىمشىلىك جاۋاپكەرشىلىككە تارتىلدى.
اكىمشىلىك پوليتسيا باسقارماسى كولىك جۇرگىزۋشىلەرگە جوعارىدا ورىن العان قۇقىق بۇزۋشىلىقتار اكىمشىلىك جازا قولدانىلعاننان كەيىن ءبىر جىلدا بىرنەشە رەت قايتالانعان جاعدايدا, ايىپپۇل مولشەرى 70 اەك-تى قۇرايتىنىن ەسكەرتەدى.