«ەكستريم تولقىنى»
استانا قالاسىنىڭ تۋريزم, دەنە تاربيەسى جانە سپورت باسقارماسىنىڭ ۇيىمداستىرۋىمەن «مەگا» سوسو الاڭىندا ەكستريمالدى سپورت تۇرلەرىنەن حالىقارالىق جارىس ءوتتى.
بۇل دوداعا ۋكراينا, يسپانيا, بەلورۋسسيا جانە رەسەيدەن مىڭعا جۋىق سپورتشى ارنايى كەلدى.
جەلاياقتار جۇگىرىپ جەتتى
كەشە «قازاق ەلى» مونۋمەنتى الدىندا «جۇرەگىم مەنىڭ – استانا» ۇرانىمەن الماتىدان ەلورداعا دەيىنگى جولدى جۇگىرىپ وتكەن مارافونشىلاردى قارسى الۋ شاراسى ءوتتى.
2 شىلدە كۇنى كاپيتان مارات بالتاباەۆ باستاعان 15 مارافونشى الاتاۋ باۋرايىنان ارقاعا اتتانعان. ەلىمىزدىڭ تۇكپىر-تۇكپىرىنەن ىرىكتەلىپ الىنعان سپورتشىلار 3 كۇن ىشىندە مىڭنان استام شاقىرىمدى جاياۋ باعىندىرىپتى.
كەشە…
قالا اكىمدىگى الدىنداعى الاڭدا «International Street Dance Session 2013» حالىقارالىق فەستيۆالى ءوتتى. وعان فرانتسيا, كورەيا, اقش جانە تمد ەلدەرىنەن, سونداي-اق, قازاقستاننىڭ بارلىق وڭىرلەرىنەن 400-دەن استام ءبيشى قاتىستى.
بۇگىن…
كەشكى 19:00-دە استانا قالاسىنداعى «سارىارقا» ۆەلوترەگىندە قازاقستان جانە شەتەل ەسترادا جۇلدىزدارىنىڭ قاتىسۋىمەن «اسقاقتاي بەر, استانا!» اتتى كونتسەرت وتەدى.
ەرتەڭ…
«قازاق ەلى» مونۋمەنتى الدىندا ەكى كۇنگە سوزىلعان «شۋاقتى قالا» اتتى بۇقارالىق ساۋىق اياقتالادى. بۇل شارا بارىسىندا كورمە, جارمەڭكەلەر ۇيىمداستىرىلىپ, اتتراكتسيوندار تىگىلەدى جانە قالا تۇرعىندارى مەن قوناقتارى ءۇشىن كونتسەرتتەر قويىلادى.
